2018ko Arkitekturako Nazioarteko V. Kongresua: Menos arquitectura, más ciudad
IRUÑA, BALUARTE JAUREGIA | 2018KO EKAINAK 13 ETA 14
Arquitectura y Sociedad Fundazioak antolatutako nazioarteko lau kongresuek, zeintzuen lemak ‘Más por menos’ (2010), ‘Lo común’ (2012), ‘Arquitectura necesaria’ (2014) eta ‘Cambio de clima’ (2016) izan diren, Iruñako Baluarte jauregian bildu dituzte bost kontinenteetako arkitekto, historialari eta kritikari ugari, arkitekturaren eta eremu sozialaren arteko loturak, garapen jasangarria eta baliabide material eta energetikoen erabilera arrazionala sustatzeko. Diziplinako arkitekto ospetsu ugari bertaratu dira kongresuetara —hamar Pritzker saridun horien artean— eta arkitekto sortuberriekin eta akademia-munduko ordezkari ezagunekin batera, krisiari hersturaren eta elkartasunaren bidez aurre egitea proposatu dute. Lehena inaguratu zuten orduan printze eta printzesa ziren Felipek eta Letiziak, eta laugarrena, berriz, dagoeneko errege-errreginak direnek.
Arkitektura eta arkitektoak izan dira orain arte eginiko lau kongresuetako protagonistak. Bosgarrenarekin beste ziklo bati eman zaio hasiera, hiria ardatz duena, eta, hortik dator izenburua: 'Menos arquitectura, más ciudad'. Inaugurazio-saioa idazleen kontura izango da, hiria askatasun-eremu gisa aztertuko dutenak, eta udal-gobernuaren dilemen sarrera egingo dute, horixe izango baita bigarren saioaren gaia. Bigarren saioaren ardura hiri handietako alkateei emango zaie. Lehen eguna amaitzeko saioak argazkilari baten eta arkitekto baten hiri-ikuspegiak alderatuko ditu.
Kongresuaren bigarren egunari hasiera emateko, lanean ari diren arkitekto batzuek beren obra aurkeztuko dute hiri-ikuskeratik. Jarraian, hiriko ekologia politikari arreta eman dieten pertsona nabarmenek lekukotza hartuko dute. Azkenik, ekitaldia amaituko da mugikortasun jasangarriari eta hiriaren etorkizunari buruzko gogoeta batekin, hiri-eraldaketa garaikidearen protagonistek egina.
[ Luis Fernández-Galianoren idazkia ]
Gaur egungo ikus-entzunezko materialak ikus daitezke Arquian/filmotekan Arquitectura y Sociedad Fundazioaren lankidetzari eta baimenari esker
