arquia / tesiak

Arquia Fundazioaren helburua da arkitekturaren esparruan kultura-jarduerak bultzatzea. Hala, arquia/tesiak bildumaren bitartez, arkitekturari buruzko ezagutza ekar dezaketen doktore-tesiak argitaratzen ditu, betiere, egileek tesiak berrikusi eta egokitu eta gero. Arquia/tesiak bildumaren helburua da eskuratzeko zaila den material baliotsu bat arkitekturaren ikasketan sakontzeko interesa duen publikoaren esku jartzea.

Bilduma horren argitalpen kopurua handitzeko asmoz, Arquia Fundazioak bi urtez behingo Lehiaketa antolatu du, argitaratu gabeko doktorego-tesiak hautatzeko.

Munduko edozein arkitektura-eskola edo -fakultatetan doktoretza-tesia aurkeztu duten Espainiako arkitektoek hartu ahal izango dute parte lehiaketan, baita doktoretza-tesia Espainiako edozein arkitektura-eskolatan aurkeztu duten atzerriko arkitektoek ere.

Lehiaketaren lehenengo fasean, tesiaren laburpena eta txosten bat aurkeztu beharko dute lehiakideek. Txostena ezin da 20 orrialde baino luzeagoa izan, gaztelaniaz idatzita egon behar da eta honako hauek barne hartu behar ditu: tesiaren aurkibidea, laburpen bat eta egilearen iritziz tesia liburu bihurtzeko beharrezkoak diren eragiketen azalpen labur bat.

Hauek izango dira epaimahaiaren kideak: 
José Manuel López—Peláez (Presidentea): Arkitekturako Proiektuen katedraduna Madrileko Arkitekturako Goi Eskola Teknikoan.
Elisa Valero Ramos: Arkitekturako Proiektuen irakasle titularra Granadako Arkitekturako Goi Eskola Teknikoan.
Cristina Gastón Guirao: Arkitekturako Proiektuen irakasle irakurlea Bartzelonako Arkitekturako Goi Eskola Teknikoan.
Emilio Tuñón Álvarez, epaimahaiko buru gisa eta Arquia Fundazioaren ordezkaritzan.

Era berean, idazkari moduan jardungo du, hitzarekin baina botorik gabe, Bartzelonako Arkitekturako Goi Eskola Teknikoko Proiektuen irakasle titular eta arquia/tesiak bildumaren zuzendari den Carlos Martí Arís.

Eskatutako dokumentazioa onartzeko epea 2011ko apirilaren 11n hasi eta 2011ko ekainaren 8an bukatuko da.

Epaimahaiaren kide bakoitzak lehiaketaren azken fasera pasako diren lau lan hautatuko ditu, gehienez, aurkeztutako txostenen artean.

2011ko irailaren lehenengo astean, lehiaketaren azken fasera pasatu diren lehiakideek tesi-lanaren ale oso bat aurkeztu beharko dute.

Abenduaren lehenengo astean, lehiaketari buruzko erabaki bat hartzeko bilera egingo du epaimahaiak. Erabakia 2011ko abenduaren bigarren hamabostaldian argitaratuko da.

Epaimahaiak gehienez bi sari eta lau aipamen eman ahal izango ditu. Arquia Fundazioak tesiak editatzeko konpromezua hartzean dautza sariak.

Lana berregiteko beharrizanak baldintzatuko du editatzeko konpromezu hori. Tesiaren egilea arduratuko da horretaz, betiere, Arquia Fundazioaren argitalpen-irizpideei jarraikiz.

Arquia Fundazioaren argitalpen-planetan, lehentasuna izango dute aipamena jaso duten tesiek.

Era berean, gerta daiteke lehiaketako saririk ez ematea. Lehiaketaren erabakia posta elektronikoz jakinaraziko zaie parte-hartzaileei, eta apelaezina izango da.

Izena emateko, parte-hartzaileak aurre-inskripzioko inprimaki bat bete beharko du. Inprimaki hori Erregistratu aukeraren barruan (ezkerreko alboko menuaren behealdean) aurkituko du, Arkitektoaren alta atalean

Hona hemen alta egiteko prozeduraren urratsak:

• Erregistro-eskaera egin: erregistroan izena emateko alta eskatzeko, ondore horretarako gaitutako inprimakia bete behar da, Erregistratu >Arkitektoaren alta estekan Bidali botoia sakatuta.
• Erregistroa berretsi: alta eskaera bidali ondoren, arkitektoak emandako erregistro-datuen laburpena agertuko da pantailan, eta eskatzaileak baieztatu egin beharko ditu datu horiek Bidali botoia berriz sakatuta.
• Fundazioak datuak baliozkotu ondoren, emandako helbide elektronikoan mezu bat jasoko du parte-hartzaileak, epe labur batean, «arquia/tesiak lehiaketan» inskribatuta dagoela eta Arkitekturako Tesien Bi Urtez Behingo Lehiaketaren deialdi berrian parte har dezakeela baieztatzeko.
  Alta-eskaerarekin batera, parte-hartzaileak erreserbarik gabe onartzen ditu erabilera-baldintzak.
• Eskatutako fitxategiak bidali erabiltzailearen Eremu Pribatutik.
  Fitxategi horiek bidalitakoan, parte-hartzaileak deialdi berrian parte hartzen duela ulertuko da. Bidalketa egiteko, parte-hartzailea www.arquia.es/concursotesiswebgunetik sartu beharko da bere Eremu Pribatuan. Horretarako, inprimakian emandako erabiltzaile-izena (helbide elektronikoa) eta pasahitza sartu beharko ditu ezkerreko alboko menuan gaitutako atalean.

Arkitektura Tesien Bi Urtez Behingo Lehiaketaren zortzigarren deialdia egiteko, ezinbestekoa izan da Arquia Arkitektoen Kutxaren Hezkuntza eta Sustapeneko Fondoaren bitartez lortutako finantzaketa.

Arquia Fundazioa
2011ko apirila