Terragni

Terragni

1904-1943 bitarte eraikitako lanak

Giuseppe Terragni (1904-1943), ibilbide laburra izan zuen italiar arkitektoa izan zen, hamabost urtekoa, hain zuzen. Hala ere, gerrarteko epeko lanen artean, talentu handienekotzat jotzen dira bere obrak, eta arkitektura modernoaren historian leku garrantzitsua lortu dute bere lanek, ongi merezita gainera.

Bere obraren bibliografia funtsezkoa da bere lanak ezagutzeko; hala ere, bere obraren garrantziarekin alderatzen badugu, bibliografia eskasa da eta ia ez dago ezer argitaratuta gazteleraz. Horren ondorioz, zaila izan da bere obra dibulgatu eta ulertzea; hau da, erabiltzen zituen kolore zein materialak eta bere arkitekturaren xehetasunak ulertzea. Aipagarria da, Terragniren obra eta arkitekturari buruzko pentsamendua, balio historiko handia edukitzeaz gain, gaur egun erabat balioduna eta interesgarria dela oraindik.

Erakusketaren asmoa da, alde batetik, bere eraikitako lanen berrikuspen bat egitea, bere obra hobeto ezagutu eta arkitekturaren inguruan zuen ikuspegi polemikoa ulertzeko; eta bestetik, bere jaiotzaren mendeurrena ospatzen dela aprobetxatuz, XX. mendeko lehen erdialdeko arkitekto handienetako bat bezala azpimarratzeko.