DOCOMOMO Ibérico Fundazioak anbizio handiko proiektua jorratu du 1993az geroztik: XX. mendeko arkitektura modernoko ondarearen elementu nabarmenenak hauteman ditu. Lan horren ondorio dira DOCOMOMO Ibérico Erregistroak, industria, etxebizitza eta ekipamenduen esparruko lanak biltzen dituztenak. 1625. eta 1965. urteen artean gauzatutako 1.144 obra multzokatzen dira erregistroetan, zehatz-mehatz dokumentatuak. FQ plataformako webgune honen bidez, DOCOMOMO Ibérico Erregistroetan barne hartuta dauden obrak kontsulta daitezke, DOCOMOMO Ibérico Fundazioko base-datu propioetan dagoen informazioa osatuz.
Lan eta obren galerian DOCOMOMO Ibérico Erregistroetan barne hartuta dauden eraikinen ausazko aukeraketa bat erakusten da. Webgunera sartu edo webgunea freskatzen den bakoitzean, eguneratu egiten da galeria, irudi berriak erakutsiz.
Lan eta obren bilatzaileak DOCOMOMO Ibérico Erregistroetan dauden eraikinen artean bilatzeko aukera ematen du, iragazki desberdinak aplikatuz: eraikinaren izena (bai jatorrizkoa eta bai gaur egungoa), jatorrizko erabilera, autoretza edo kokapena.
DOCOMOMO erregistroko lan eta obrak geografikoki daude lokalizatuak. Horrela, erabiltzaileak eraikinetatik abiatuta sortu nahi dituen ibilbide pertsonalizatuetan sar ditzake.
