Carmen Pigemek ikasketak amaitu zituen Vallèseko Arkitekturako Goi Eskola Teknikoan, 1987an, eta 1988tik Rafael Arandarekin eta Ramon Vilaltarekin batera lan egiten du Olot bere jaioterrian, orain RCR ARQUITECTES izenarekin. Kataluniako Generalitataren Arquitekturako Kultura Sari Nazionala jaso zuten 2005ean, bai eta Chevalier de l’Ordre des Arts et des Lettres 2008 de la République Française bereizmena ere, AIA American Institute of Architecture institutuaren 2010eko ohorezko kideak dira, 2011 Belgian Building Awards Nazioarteko Saria jaso zuten eta RIBA (Royal Institute of British Architects) institutuaren 2012ko ohorezko kideak dira ere bai. 1989tik Garrotxako Sumendi Lurraldearen Parke Naturaleko arkitekto aholkulariak dira eta Paisaiaren Hirigintza eta Arkitekturako (1989-2001, Vilalta) zein Proiektuetako (1992-2004, Pigem) irakasleak izan dira. Horrez gain, saiakerak idatzi ditzute arkitekturari eta paisaiari buruz. Hainbat lehiaketa internazional irabazi dituzte (azkenak hauek dira: Bartzelonako Konde-Bideko Parkea, Waalsekrook Mediateka Belgikan, Soulages Museoa Frantzian, Hofheideko Errausketa-labea Belgikan eta The Edge Bussiness Bay Dubain). Obragatik sariak izan dituzte, besteak beste, Mies Van der Rohe Europar Batasuneko Sarietan hiru lan finalistak izan ziren. Saritutako lan batzuk hainbat ekitalditan ikusgai egon dira (azkena: Global Ends, Tokioko Toto Gallery.Ma) eta orain monografia desberdinetan argitaratuak, azkena: “El Croquis”, 162. zk. (IV), RCR Arquitectes 2003-2012. Abstracción Poética, “AV”, 137. zk., “El Croquis”, 138. zk. (V), RCR Arquitectes 2003-2007 Los atributos de la naturaleza, “RCR” 3C Design, Korea.
Francisco Mangado Nafarroan jaio zen 1957an eta arkitekto bihurtu zen Nafarroako Unibertsitateko Arkitekturako Goi Eskolan, non irakaslea den 1982az geroztik. Irakaskuntza alorrean, irakasle gonbidatua izan da Harvard Unibertsitateko Graduate School of Designen. Era berean, Eero Saarinen Visiting Professor of Architecture izan da Yale Unibertsitateko Arkitektura Eskolan. Gainera, Mangado, Proiektuen irakaslea da Diseinu Arkitektonikoko Masterrean eta Proiektu irakasle aparta Nafarroako Unibertsitateko Arkitektura Eskolan. Irakasle gonbidatua izan dan Lausanneko École Polytechnique Fédéralen. 2008ko ekainean Arquitectura y Sociedad Fundazioa sustatu zuen, arkitekturaren eta sorkuntzaren eta pentsamenduaren beste diziplina batzuen arteko elkarreragina bultzatzeko lan egiten duena. Bere jarduera akademikoarekin eta Fundazioaren programetarako dedikazioarekin, arkitekto lanak egiten ditu Iruñeko estudiotik.
Lan profesional horri esker, besteak beste, hurrengo sariak jaso ditu: Andrea Palladio Arkitektura Saria, Thiene Arkitektura Saria, Architécti Saria, CEOE eta FAD Sariak eta Madrilgo Udalak emandako Hirigintza, Arkitektura eta Herri Lanetako Sarien 2005eko XX. edizioan Lehen Saria. Gainera, 2007ko Saloni Arkitektura Saria, 2007ko Enor Arkitektura Sari Nagusia eta 2007ko, COAL Arkitekturako Lehenengo Saria jaso ditu. 2008ko Zaragozako Expoko Espainiako Pabiloiak honako sari hauek lortu ditu: 2008an, ASCER Cerámica de Arquitectura VII. edizioko Lehen Saria; 2009an, Edifikazioan Construmat Lehen Saria; UIAk emandako “Medalla de Oro Giancarlo Ius”; Aragoiko Arkitektoen Elkargoak (COA) emandako García Mercadal Saria eta Espainiako Arkitektoen Elkargoen Kontseilu Gorenaren (CSCAE) Espainiako Arkitektura Saria. 2010ean, Green Good Design Chicago Athenaeumagatik jaso zuen. Gasteizko Museo Arkeologikoak Copper Arkitektura Saria jaso zuen 2010ean, EHAEO Arkitekturaren Lehen Saria Zuzkidura Eraikuntzaren kategorian eta International Architecture Award 2010 Saria. Avilako Erakusketa eta Kongresuen Udal Zentroak International Architecture Awards Saria lortu zuen 2011n.
Urte horretako abenduan, Francisco Mangado RIBA International Fellowship izendatu dute, Arkitekto Britainiarren Errege Institutuak (RIBA) arkitektoen alorrean egindako ekarpen bereziagatik britainarrak ez diren profesionalei emandako aintzatespena.
Gaia: 'SENTIDOS'
Dio Louis I. Kahnek: “Un hombre con un libro va hacia la luz. Así comienza una biblioteca”.
Hiru mila metro kubikoko irakurtzeko espazio bat definitzea pertzepziotik.
Begirada bezain pertzepzio beste dago.
“Begiradak pertzepziozko aukerak asmatzen ditu estimuluaren benetako propietateetan. Irakurlea saiatu behar da hitz bat begiratzen irakurri gabe. Letrak lerroak dira, baina begirada adimendunak ez du bertan atseden hartu nahi, eta haratago doa. Ez du ikusten: irakurtzen du. Eta pertzepzio hori saihestezina da”. J. A. Marina
Eta, horrez gain, hauxe dio Kahnek: “Eraikin hori liburu bat irakurri nahi duen gizon batetik abiatzen da”.
Iruñean zehar ibilbide arkitektonikoa egin zen 2005eko urriaren 27an. Patxi Mangado arkitektoa lankidetzan aritu zen, gidari-lanetan.
