Nafarroako Unibertsitatean ikasitako arkitektoa da eta Gradu Amaierako Sari Berezia irabazi zuen. Erromako Historia, Arkeologia eta Arte Ederren Espainiako Akademian bekaduna izan zen eta Princetoneko Unibertsitatearen Arkitektura Eskolan Visiting scholar moduan aritu zen.
Hainbat sari jaso ditu, besteak beste, Iruñeko Azpilagañako Osasun Zentroagatik Espainiako Arkitekturaren III. Biurtekoa, Valentziako Carmen auzoko Birralojatzeko 8 etxebizitzengatik Espainiako Arkitekturaren V. Biurtekoa eta Valentziako Palau de la Música handitzeagatik Espainiako Arkitekturaren VII. Biurtekoa. “El Musical” Kultur Zentroa 2004ko FAD sarietan finalista izan da eta Veneziako Arkitektura Biurtekoan Espainiako Pabiloia ordezkatzeko hautatu dute.
Arkitektura-Proiektuen irakasle izan da Nafarroako Unibertsitatean, Madrilgo Unibertsitate Politeknikoan eta Mexiko Distrito Federaleko Unibertsitate Iberoamerikarrean. 1994ean, Valentziara lekualdatzen da eta, bertan, bere lanbide-jarduera izan du eta Valentziako Unibertsitate Politeknikoan Arkitektura-Proiektuen irakasle titularra izan da. Bere lana hainbat aldizkari eta argitalpenetan islatu da, besteak beste, El Croquis, A&V, Arquitectura Viva, Architectural Record, Architcture d'Aujourd'hui, Techniques&Architecture eta Detail.
1974an Madrilgo Arkitektura Goi Eskolan arkitekto izendatua. Irakasle gonbidatua izan da Zurich eta Lausanneko politeknikoetan, Harvard, Cornell eta Columbia unibertsitateetan eta Iruñeko Arkitektura Eskolan. Harvardeko G.S.D.ko Kenzo Tange Katedra izan du eta 2004tik Sevillako Unibertsitateko ohorezko irakaslea da eta Arkitektura Eskolako Katedra Zurian dago. Antonio Cruzekin batera, 1971n hasi zuen bere lanbide-jarduera. Bere proiektu eta obra ezagunetako batzuk: Amsterdamgo Rijksmuseuma handitzea, Hannover 2000ko Expoko Espainiako Pabiloia, Sevillako La Cartuja estadioa, Basileako SBB tren-geltokia handitzea, Sevillako Liburutegi Publikoa, Madrilgo Erkidegoko Estadioa, Huelvako autobus-geltokia, Sevillako Santa Justako tren-geltokia eta Doña María Coronel kaleko etxebizitza-eraikina, Sevillan ere bai.
Antonio Cruzek eta Antonio Ortizek hurrengo sariak jaso dituzte: Espainiako Arkitektura Sari Nazionala, Sevilla Hiria Saria, Madril Hiria Saria, Brunel 92 International Award, Construmat Saria eta C.E.O.E. Fundazioaren Saria. Mies van der Rohe Sarian bi aldiz finalistak izan dira. Azken aintzatespenen artean, 2008ko Andaluziako Arkitektura Saria jaso zuten Basileako tren-geltokiagatik eta 1997an Andaluziako Urrezko Domina jaso zuten beren ibilbide profesionalagatik.
Cruz eta Ortizen lana oso zabalduta egon da argitalpen espezializatu nagusietan eta haien lanari buruzko hainbat argitalpen monografiko argitaratu dira (Tanais Ediciones, Princeton Architectural Press, Birkhäuser, A&V eta Gustavo Gili). Halaber, bere lanari buruzko erakusketak egin dira Zurichen (E.T.H.), Bernan (Amthaus), Lausannen (EPFL), Bolzanon (Ordine degli Architetti), Bostonen (Harvard, Graduate School of Design), Berlinen (Aedes East Gallery) eta Sevillan eta Granadan (Andaluziako Junta).
Gaia: 'El doble de superficie y el triple de volumen’
Laku baten ondoan asteburuetako bi pabiloi txiki proiektatzea da helburua, hau da, baldintza bakarra bete behar duten bi babesleku txiki: batak bestearen azaleraren bikoitza eta bolumenaren hirukoitza izan behar du.
Lakuaren bistak eta orientazio ona bat datoz eta gutxi gorabehera 500 metroko altuera izango dute.
Erabilitako eraikuntza-teknika librea izango da.
Piezen diseinua eta haien arteko erlazioa ariketa epaitzeko kontuan hartu beharreko parametroak izango dira.
Agiri guztietan argi eta garbi adieraziko da leloa.
Epaimahaiaren erabakia apelaezina izango da.
Ez dira onartuko Internet ez den beste bide batetik aurkeztutako proposamenak edo deialdia itxi ondoren jasotakoak.
Aurkezpena banaka egin beharko da. Parte-hartzaileen anonimotasuna bermatze aldera, ez da datu pertsonalik adieraziko epaimahaiari aurkeztutako fitxategietan.
Fundazioak lehiaketan aurkeztutako proposamenen erreprodukzio edo/eta erakusketa osoa edo partziala gauzatzeko eskubidea izango du.
