1974an Madrilgo Arkitektura Goi Eskolan arkitekto izendatua. Irakasle gonbidatua izan da Zurich eta Lausanneko politeknikoetan, Harvard, Cornell eta Columbia unibertsitateetan eta Iruñeko Arkitektura Eskolan. Harvardeko G.S.D.ko Kenzo Tange Katedra izan du eta 2004tik Sevillako Unibertsitateko ohorezko irakaslea da eta Arkitektura Eskolako Katedra Zurian dago. Antonio Cruzekin batera, 1971n hasi zuen bere lanbide-jarduera. Bere proiektu eta obra ezagunetako batzuk: Amsterdamgo Rijksmuseuma handitzea, Hannover 2000ko Expoko Espainiako Pabiloia, Sevillako La Cartuja estadioa, Basileako SBB tren-geltokia handitzea, Sevillako Liburutegi Publikoa, Madrilgo Erkidegoko Estadioa, Huelvako autobus-geltokia, Sevillako Santa Justako tren-geltokia eta Doña María Coronel kaleko etxebizitza-eraikina, Sevillan ere bai.
Antonio Cruzek eta Antonio Ortizek hurrengo sariak jaso dituzte: Espainiako Arkitektura Sari Nazionala, Sevilla Hiria Saria, Madril Hiria Saria, Brunel 92 International Award, Construmat Saria eta C.E.O.E. Fundazioaren Saria. Mies van der Rohe Sarian bi aldiz finalistak izan dira. Azken aintzatespenen artean, 2008ko Andaluziako Arkitektura Saria jaso zuten Basileako tren-geltokiagatik eta 1997an Andaluziako Urrezko Domina jaso zuten beren ibilbide profesionalagatik.
Cruz eta Ortizen lana oso zabalduta egon da argitalpen espezializatu nagusietan eta haien lanari buruzko hainbat argitalpen monografiko argitaratu dira (Tanais Ediciones, Princeton Architectural Press, Birkhäuser, A&V eta Gustavo Gili). Halaber, bere lanari buruzko erakusketak egin dira Zurichen (E.T.H.), Bernan (Amthaus), Lausannen (EPFL), Bolzanon (Ordine degli Architetti), Bostonen (Harvard, Graduate School of Design), Berlinen (Aedes East Gallery) eta Sevillan eta Granadan (Andaluziako Junta).
FUENSANTA NIETO eta ENRIQUE SOBEJANO Madrilgo Arkitekturako Goi Eskola Teknikoan eta New Yorkeko (AEB) Columbia Unibertsitatean ikasitako arkitektoak dira. Madrilgo Europako Unibertsitateko (UEM) Arkitektura Eskolako eta Berlingo Universität der Künste (UdK) Proiektuetako irakasleak dira, hurrenez hurren, eta Nieto Sobejano Arquitectos, S.L. estudioko bazkide fundatzaileak dira.
Hizlariak edota irakasle bisitariak izan dira hainbat espainiar eta nazioarteko unibertsitate eta erakundetan.
Madrilgo Arkitektoen Elkargo Ofizialeko ARQUITECTURA aldizkariko zuzendariak izan ziren (1986-1991). Haien obrak eta proiektuak Espainiako eta nazioarteko hainbat argitalpenetan argitaratu dira eta erakusketa ezberdinetan parte hartu dute.
ERAIKITAKO OBRETARAKO SARIAK
• Arkitektura Aga Khan Saria. Madinat al Zahra Egoitza Instituzionala. Kordoba. 2010
• 2010 ECOLA Saria. Moritzburg Museoaren handitzea
• Arkitektura Vía Saria, Arkitektura Nazional eta Internazionalaren Bikaintasunarengatik
• Alemaniako altzairuzko egituraren Saria. 2010 Moritzburg Museoaren handitzea
• BDAren (Bundes Deutscher Architekten) Nike Saria. Moritzburg Museoaren handitzea. 2010
• The International Architecture Award. The Chicago Athenaeum, Museum of Architecture and Design. 2009
Moritzburg Museoaren handitzea, Madinat al Zahra Egoitza Instituzionala, Kordoba, eta Aragoiko Kongresu Jauregia. 2008ko Expoa
• Kultur Ondasunak Zaindu eta Zaharberritzeari buruzko Sari Nazionala. Valladolideko Eskultura Museo Nazionala. 2007
• Arquinfadeko bazkideen Arkitektura Saria. Bartzelona. Valladolideko Eskultura Museo Nazionala. 2007
• Madrilgo Udaleko Arkitektura eta Hirigintza Saria. “Oficinas y viviendas en la C/ Talavera, 4”. 2006
• Madrilgo Udaleko Arkitektura Saria. “Edificio 18 VPO C/Sicilia”. 2000
Gaia: 'Azar y necesidad’
Arkitektura, itxuraz loturarik ez duten hainbat egoeraren interpretazioaren emaitza da beti. Etengabe ari gara mugen barruan lan egitera behartuta, beharrezkoak edo gorabeheratsuak, eta, horri esker, gertaera sakabanatu eta arbitrarioek ideia bat baino ez dute eskatzen. Lanaren helburua da proiektu txiki bat garatzea dimentsiotan, baina konplexua haren mugetan, eta etxebizitza kontzeptuarekin esperimentatzea, aukeratutako lekuaren baldintza espezifikoen eta ausaz finkatutako programa funtzional bikoitz baten ondorioz.
Errespetatu beharreko mugak hauek dira:
1. Berlingo orube bat, mehelinen artean, sakona eta estua, 5 m zabal eta 30 m luze, kale baten eta etxadiko barneko patio baten artean.
2. Bi etxebizitza independenteko programa bat, parte-hartzaile bakoitzak proiektatuko duena, erabiltzaile hauetako bi hautatuz:
- Bakarrik bizi den eta pianoa jotzen duen pertsona itsua
- Bikote nagusi bat txakur batekin eta atzerrian bizi den seme batekin
- Sukaldatzeko zaletasun handia eta liburutegi handi bat duen eleberrigile ezkongabea
- Bi seme-alaba eta amona dituen familia bat, sarritan etxean geratzen dena
- Arkitektura, Ekonomia, Musika eta Matematikako Erasmus lau ikasle
- Etxean lan egiten duen eta gimnasio bat duen informatikari aditua
3. Etxebizitza bakoitzaren azalera 75 eta 150 m2 bitartekoa izan daiteke, aukeratutako programaren funtzioaren arabera
4. Etxesaileko patiorako sarbide publikoa errespetatu egin behar da, gaur egun erabiltzen ari den oinezkoentzako pasabidea utziz.
5. Dagoen arkua kendu daiteke nahi bada.
Agiri guztietan argi eta garbi adieraziko da leloa.
Epaimahaiaren erabakia apelaezina izango da.
Ez dira onartuko Internet ez den beste bide batetik aurkeztutako proposamenak edo deialdia itxi ondoren jasotakoak.
Aurkezpena banaka egin beharko da. Parte-hartzaileen anonimotasuna bermatze aldera, ez da datu pertsonalik adieraziko epaimahaiari aurkeztutako fitxategietan.
Fundazioak lehiaketan aurkeztutako proposamenen erreprodukzio edo/eta erakusketa osoa edo partziala gauzatzeko eskubidea izango du.
