arrow-circle-down arrow-circle-left arrow-circle-up arrow-down arrow-left arrow-line-right arrow-right arrow-up ballon close facebook filter glass lock menu phone play point q question search target twitter
X
< Ocultar filtros

Alor kulturala / Mediateka

Filmoteka

  1. Home
  2. Mediateca
  3. Filmoteca
  4. Honi buruz

Arquia/filmotekari buruz

Arkitekturaren Filmoteka Arquia Fundazioak abian jarritako kultur-egitasmoa da, ets arkitektura sustatzea eta ezagutarazteko erreferentzia izatea du xede. Arkitekturari eta arkitektoei buruzko ikus-entzunezkoak balioetsiz, esparru horren dimentsio sortzailea, kulturala eta soziala agerian utzi nahi du.

Batez ere ikasleei, arkitektoei eta sektoreko erakundeei zuzenduta dago, baina, era berean, Fundazioaren irismenaren barne daude arkitekturarekin eta eraikinen eraikuntzarekin zerikusia duten langile guztiak, hala nola arkitekturaren nahiz zinemaren zaleak.

arquia/filmoteka edukiak sarean ‘streaming’ bidez ikusteko doako zerbitzua da. Eduki horien artean, arkitekturarekin eta arkitektoekin erlazionatutako ikus-entzunezkoak daude, eta lau ataletan daude antolatuta: dokumentalak, hitzaldiak, fikzioa eta lankidetza.

Dokumentalak

Arkitektura (hirigintza, paisaia, jasangarritasuna, eta abar) eta arkitektoak hizpide dituzten fikziozko zinema-lanen eta ez-fikziozko zinema-lanen (dokumentalak) atala. Atal hori da Filmotekaren ardatz nagusia, katalogoaren bidez.

Fikzioa

Fikziozko filmen sekzioa (metraje laburreko, ertaineko eta luzeko filmak). Argumentu, fotografia, eszenografia edo bestelako arrazoiak direla eta, nabarmengarriak eta ikasteko, aipatzeko edo arkitekturaren inguruko eztabaidak egiteko aproposak diren obrak biltzen dira bertan.

Hitzaldiak

Espainiako arkitekto-elkargoek, arkitektura-eskolek, arkitektura-fundazioek eta sektoreko erakundeek antolatutako ekitaldi kulturalei (hitzaldiak, biltzarrak, eta abar) buruzko ikus-entzunezko lanak ezagutarazteko atala.

Lankidetza

Gobernuz kanpoko erakundeek, arkitektura-fundazioek eta irabazi asmorik gabeko erakundeek antolatutako arkitekturaren alorreko lankidetza-ekintzei buruzko ikus-entzunezko lanak ezagutaraztera bideratutako atala.

Doako ikustaldiak

Ikus daitezkeen obren katalogoa Arquia Fundazioaren dokumentu-funtsean erregistratutako dokumentalez dago osatuta. Sarean aldi baterako atzi daitezkeen arquia/filmoteka bildumako obrak etengabe ugaritzen ari direnez, dokumentu-funtsaz gozatzeko erabiltzaile gisa erregistratzea gomendatzen dizugu, nobedadeen jakinaren gainean egon zaitezen.

Hasteko, erabiltzaile bakoitzak lan bera hilean hiru aldiz ikusi ahal izango du, eta hogei ikus-entzunezko lan izango ditu aukeran. Une horretan katalogoan eskuragarri daudenen artean aukeratu ahal izango ditu lan horiek.

Erregistratu Fundazioan

Erregistratu Fundazioko erabiltzaile gisa, erabiltzaile-profil desberdinetan

Arquia
Dokumentazio Zentroa
Alor kulturala
Eremu profesionala
Baliabideak
Fundazioa
© 2021 Arquia Fundazioa. Eskubide guztiak erreserbatuta.