Prestigio handiko erakundeen arteko elkarlana
Arkitektoaren prestakuntzan eta garapen profesionalean ekarpenak egiteko helburuz, MBA Arquia Kutxa - Enpresen Administrazio eta Zuzendaritzako Master Korporatiboa aurkezten du Arquia Fundazioak, ESADE (Enpresen Administrazio eta Zuzendaritzako Goi Eskola) negozio-eskolarekin elkarlanean. Arkitektoei edo arkitekturaren esparruko profesionalei baliabide pertsonalak eta lidergotzarako eta ekintzailetzarako gaitasunak ematea da xedea, bidea emango dutenak enpresa-ikuskera berriak edo berrikuntzan eta sorkuntzan oinarritutako enpresa berriak sortzeko. Enpresa horiek gizarteari kalitatezko zerbitzu bereizgarri eta lehiakorrak ematea bilatzen da, egungo testuingurura egokituak.
1990ean sortu zenetik, material desberdinen edizioa nabarmendu behar da Arquia Fundazioaren jardun garrantzitsuenen artean, formatu desberdinetan (liburuak, liburu digitalak, DVDak) eta bilduma desberdinen bitartez; horrez gain, ikerketa, ekintzailetza eta praktika profesionalerako lehiaketa eta bekak deitu ditu, hala nola: arquia/tesiak, arquia/bekak eta arquia/próxima. Arkitektura, eraikuntza, diseinu eta hirigintzaren esparruetako kultura-, gizarte-, asistentzia-, profesio- eta prestakuntza-izaerako helburuak sustatu eta bultzatzeko helburuarekin egin da aipatu jardun hori.
ESADE Fundazioa - Enpresen Administrazio eta Zuzendaritzako Goi Eskola (aurrerantzean ESADE) goi mailako ikasketetako instituzio pribatua da, ekonomia, enpresa-zuzendaritza, zuzenbidea eta gizarte-zientzietako esparruetako irakaskuntza eta ikerketara bideratua. Dauzkan unibertsitate-zentro desberdinetan jorratzen da eskolaren irakaskuntza-jarduna, unibertsitateko ikasleei, graduondoko ikasleei, goi mailako zuzendariei eta profesionalei zuzendua. 1958an eratu zenetik, berrikuntza-izpiritua eta gizarteari zerbitzu emateko konpromiso argia izan ditu ezaugarri. Bartzelona, Sant Cugat eta Madrilen dauzka campusak, eta munduko edozein partetan eskaintzen du prestakuntza; horretarako, elkarlanerako hitzarmenak sinatu ditu bost kontinenteetako 100 unibertsitate eta negozio-eskola baino gehiagorekin.
Erantzukizun berriak hartzeko bidea emango dizu programak, maila handiko zuzendaritza- eta finantza-gaitasunak eta baliabide antolatzaileak erdietsiz. Ikuskera berritzailea lortuko duzu, eta baldintza berrietara egokitzen diren sormenezko erantzun berritzaileak emateko gaitasuna. MBA - Arquia Kutxa Master Korporatiboa ikuskera berri eta proaktiboko zuzendariak prestatzeko dago diseinatua, arkitekturaren sektoreko negozio-ereduak (egungoak eta berriak) zuzendu eta indartzeko gai izango direnak.
Saretzera eta elkartrukera irekitako komunitate bat
Prestigio handiko kontaktu-sare heterogeneo baten parte izatea, arkitektura, industria eta eraikuntzari lotutako lehen mailako askotariko profesional, enpresa eta zuzendariek osatua. Sareko kide horiekin esperientzia eta ezagutzak partekatzeko aukera izango duzu, eta aukera berriak eman diezazkiote bai zure enpresa edo arkitektura-estudioari, eta bai zure jardun profesionalari.
Action Learning Project.
Ekintzailetza edo langile konprometituak. Garatu zure negozio-proiektu edo -ideia ingurune seguru batean. Zure enpresa edo estudioko proiektuak martxan jartzeko aukera bikaina da programa. ESADEn hainbat baliabide izango dituzu eskura proiektuak doitasun osoz garatzeko, aholkulari adituekin eta maila handiko jarraipen formalarekin. Action Learning Project foroa ezin hobea da ideia berriak probatu eta kontzeptu berriak aztertu/baloratu/hartzeko.
Balio handiko ziurtagiri akademikoa.
Nazioarteko prestigio handieneko eskoletako baten titulazio propioa (munduko 8.a, Financial Times egunkariaren arabera, 2015). Homologatutako programa da CMBA, Ramon Llull Unibertsitateko titulazio propioa.
Garapen-potentzial handiko profesionalak
Arkitekturaren esparruko zuzendari eta profesionalei zuzentzen zaie programa, hala nola arkitektoei, arkitekto teknikoei, enpresa publiko eta pribatuetako zuzendariei, promotoreei, etab. Beren enpresa edo arkitektura-estudioen partetik prestakuntza-plan bat jasotzeko proposamena jaso duten pertsonak dira, zuzendaritza-karrera edo proiektuen kudeatzaile-karrera bultzatzeko xedez.
Potentzial handiko profesionalak izango dira partaide guztiak, helburu nagusitzat zuzendaritza-erantzukizun maila geroz eta handiagoak hartzeko ezagutza eta gaitasunak garatzea izango dutenak.
Sektore bereko beste profesional eta zuzendari batzuekin interakzioan aritzeak ikaskuntza-inguru oparo, dinamiko eta globala bermatzen du, non irakasle, zuzendari eta teknikoek kudeaketa-praktika onenei buruzko esperientzia eta ezagutzak partekatzen dituzten.
ESADE eta Arquia Fundazioaren MBA - Arquia Kutxa Master Korporatiboak hazkuntza-ibilbide desberdinak irekitzen ditu, elkartrukea eta elkarrekiko laguntza sustatzen dituen kolaboraziozko esparru batean. Horrek, talde kohesionatua sortzeko aukera ematen du, hazkunde profesionalaren eta arkitekturako gai eta tematika desberdinen inguruan biltzen dena.
Programako jarduera akademiko eta prestakuntza-jarduerak parte integrala dira ikaskuntza-filosofia honetan, eta metodologia anitzak erabiltzen dira probetxu gehiena ateratzen zaiela bermatzeko.
Berariaz diseinatutako metodologiak dira Lead programa, enpresa-proiektua, aldaketaren kudeaketako simulagailua edo lineako prestakuntza, hainbat eta denbora gutxienean orduan eta probetxu gehien ateratzeko pentsatuak.
Programako diziplina eta irakasgai bakoitza partaidearen profil exekutibora eta edukira hoberen moldatzen den eran lantzen da, graduondoko programa baten ezaugarri den doitasun akademikoa inoiz galdu gabe.
1. Action Learning Projects (enpresa-proiektuak)
Enpresa-proiektuek edo negozio-ereduek programan zehar barneratutako gaitasun eta ezagutzak integratzen dituzte, eta enpresa edo estudioko aspektu funtzional desberdinetan eragiten duten erabakien arteko interrelazioa azpimarratzen dute. Enpresari berari lotutako proiektu bat garatzeko bidea ematen dute, edo negozio-ideia edo zerbitzu profesional berri bat abiatzekoa, arkitektura, industria eta eraikuntzaren sektorean balio erantsi bat eskainiko duena.
2. Zuzendaritza-gaitasunak garatzeko Lead programa
Daniel Goleman eta Richard Boyatzisen adimen emozionaleko ereduan oinarritutako metodologia esklusiboa.
3. Kudeaketako simuladoreak
Kudeaketa-taktika desberdinen aplikazioa Simuladoreek eremu desberdinetan eragiten dute: aldaketa, estrategia, marketina, etab.; inguru kontrolatu batean egiten dira simulazioak, taldean lan eginda, interes-talde desberdinetan zein eragin izango duten erakutsiz.
4. Lineako jarduerak
Formatu erdipresentzialari esker, bateragarriagoak dira programa eta betekizun profesionalak. E-finance modulua, bideo interaktiboak edo lineako galdetegiak dira distantziako ikaskuntza horren parte egiten duten jardueretako batzuk.
5. Saioak sektoreko gonbidatuekin
Merkatuaren egungo egoera eta negozio-ereduak alderatzen dira saioetara ekartzen diren gonbidatuekin, eta egun behar diren zerbitzu profesionalen eskaintza aztertzen da. Saio hauek paraleloan antolatzen dira prestakuntzako materiekin, eta arkitekturaren esparruan proiektu erreal bat proposatu eta sendotzen laguntzen dute.
1. modulua. Inguruaren ezagutza: Enpresa-erakunde baten ingurunearen ezagutza sakon bat ematen zaie parte-hartzaileei bloke honetan, eta inguru horretan eragiten duten faktore desberdinak azaltzen zaizkie (politikoak, kulturalak, ekonomikoak). Irakasgaiak: ingurune geopolitikoa, zuzendaritzako ekonomia, erantzukizun sozial korporatiboa.
2. modulua. Estrategiaren ezagutza: Estrategiak enpresan duen garrantziari buruzko ezagutza sakona ematea da bloke honen helburua, partaideak estrategiaren formulazioa aztertzeko gai izan daitezen eta estregia ezartzerakoan izan daitezkeen zailtasunak eta behar diren prozesuak uler ditzaten. Irakasgaiak: kudeaketa orokorra, lehiakortasun-estrategia eta aldaketaren kudeaketa.
3. modulua. Arlo funtzionalen zuzendaritza: Enpresako arlo desberdinen ikuspegi global bat eman nahi zaie partaideei bloke honetan, eta baita arlo horietako bakoitzak egiten dituen prozesuena ere, bakoitzak daukan garrantzia estrategikoaz jabe daitezen. Irakasgaiak: finantza-zuzendaritza, marketin- eta merkataritza-zuzendaritza, operazioen zuzendaritza, informazio-sistemen zuzendaritza, giza baliabideen zuzendaritza, berrikuntza eta ekintzailetza.
4. modulua. Zuzendaritzako garapena eta lidergotza: Partaideek taldean lan egiteko gaitasunak garatzea da bloke honen helburua, bezeroekin proiektu konplexuak gauzatzeko gaitasunaren funtsezko osagarri gisa, eta proiektuetan inplikatuak dauden pertsonak kudeatzeko.
LEAD Programa. Lidergotza-jarduna hobetzera bideratutako ezagutza pertsonaleko programa bat da. Baina, bereziki, partaideen helburuei eta horiek gauzatzeko behar dituzten gaitasunei buruzko hausnarketa egiteko balio duen programa da. Egunerokotasun profesional eta pertsonalean denbora asko ematen da besteengan pentsatzen eta besteekin harremanak izaten, eta oso gutxi norberarengan pentsatzen. LEAD programak aukera hori ematen du, marko atsegin baten barruan eta egiaztatutako metodologia batekin.
5. modulua. Action Learning Project edo enpresa-proiektua. Programan zehar jasotako ezagutzak eta garatutako gaitasunak jardun profesional osora zabaltzea da bloke honen asmoa, partaidearen organizaziorako balio handiko irtenbide berritzaileak sortzeko gaitasunean ekarpenak eginez. Enpresa edo estudioak erabaki ahal izango du partaideak zein proiektu gauzatuko duen, egoki irizten badio.
Modulua: zuzendarien foroa. Arkitekturaren sektoreko saioak programa osoan zehar: Zuzendarien foroa – iritzi-lider diren zuzendariekin eta sektoreko aditu handiekin, haien esperientzia eta ezagutzak eskaintzeko.
Pedro Armangué, Marketin Saileko kolaboratzaile akademikoa
Jordi Brunat. Irakasle elkartua, Zuzendaritza Orokorra eta Estrategia Saila. Irakasle elkartua, Ramon Llull Unibertsitatea. Zuzendari exekutiboa, Executive Education Unitatea
Josep Lluís Cano, senior irakasle elkartua, Operazio, Berrikuntza eta Data Science Saila. Kontratatutako doktore-irakaslea. Zuzendaria, e-learning esparrua
Jaime Castelló, Irakasle elkartua, Marketin Saila. Irakasle elkartua, Ramon Llull Unibertsitatea
Marketin eta Salmenten Zuzendaritzako Masterreko (Madril) programaren zuzendaria
Ángel Castiñeira, Irakasle titularra, Gizarte Zientziak. Irakasle titularra, Ramon Llull Unibertsitatea
Lidergotza eta Gobernantza Demokratikoko Katedraren zuzendaria
Marc Correa, Irakasle elkartua, Pertsonen Zuzendaritza eta Antolaketa Saila
Kontratatutako doktore-irakaslea. Zuzendaria, Master Exekutiboen Unitatea
Jordi Fabregat, Irakasle titularra, Ekonomia, Finantza eta Kontabilitate Saila
Kontratatutako doktore-irakaslea. Zuzendaritza Ekonomiko Finantzarioko Master Exekutiboko (Bartzelona) zuzendaria
Xavier Ferràs, Irakasle bisitaria, Operazio, Berrikuntza eta Data Science Saila
Rafael García, Kolaboratzaile akademikoa, Ekonomia, Finantza eta Kontabilitate Saila Steven Guest, kolaboratzaile akademikoa, Pertsonen Zuzendaritza eta Antolaketa Saila. Irakasle elkartua, Ramon Llull Unibertsitatea
Ignacio Guitart, Kolaboratzaile akademikoa, Marketin Saila
Jaume Hugas, Irakasle titularra, Operazio, Berrikuntza eta Data Science Saila
Irakasle elkartua, Ramon Llull Unibertsitatea
Carlos Jordana, Kolaboratzaile akademikoa, Marketin Saila
Xavier Mena, Ohiko irakaslea, Ekonomia, Finantza eta Kontabilitate Saila. Katedraduna, Ramon Llull Unibertsitatea
Jordi Molina, Irakasle titularra, Marketin Saila. Irakasle elkartua, Ramon Llull Unibertsitatea
Zuzendari exekutiboa, Custom Program Arloa
Manel Peiró, Irakasle titularra, Pertsonen Zuzendaritza eta Antolaketa Saila
Kontratatutako doktore-irakaslea
Marcel Planellas, Ohiko irakaslea, Zuzendaritza Orokorra eta Estrategia Saila
Irakasle titularra, Ramon Llull Unibertsitatea
Andrés Raya, Kolaboratzaile akademikoa, Pertsonen Zuzendaritza eta Antolaketa Saila
Irakasle elkartua, Ramon Llull Unibertsitatea PARTNERS Programako zuzendaria
Ricard Serlavós, Irakasle elkartua, ESADEko Pertsonen Zuzendaritza eta Antolaketa Saila Irakasle elkartua, Ramon Llull Unibertsitatea
Ismael Vallés, Kolaboratzaile akademikoa, Marketin Saila
Julio Villalobos, Irakaslea, Marketin Saila
inDIGITAL Programako zuzendaria – Marketineko Zuzendaritza eta Salmenta Digitalak
Jordi Viñaixa, Irakasle elkartua, Zuzendaritza Orokorra eta Estrategia Saila Kontratatutako doktore-irakaslea
PROGRAMAN SARTZEKO BALDINTZAK
a. Unibertsitate-titulua
b. Lanaldi osoko esperientzia profesionala ziurtatzea, gutxienez 3 urtez. Esperientzia gutxiago izanez gero, kontsultatu zure kasua onarpenen taldearekin
c. Ingelesezko negozio maila
d. MBA Master Korporatiboko enpresa partaideek proposatu beharko dute hautagaia, enpresak edo arkitektura-estudioak trazatutako norbanako karrera-planean aurrera egiteko helburuarekin.
ONARPEN-PROZESUA
1. ESKAERA Programan sartzeko eskaera, CV eguneratuarekin eta nortasun-agiriko tamainako argazkiarekin
2. ONARPEN-GALDETEGIA. ESADEren onarpen-galdetegia edo GMAT galdetegia (Graduate Management Admission Test edo enpresen kudeaketako graduatuentzako onarpen-proba)
3. INGELESEZKO PROBA. Ingelesezko proba edo ziurtagiri ofiziala eranstea
4. ELKARRIZKETA PERTSONALA. Elkarrizketa onarpenen taldearekin eta programaren zuzendaritzarekin
FINANTZIAZIOA
TITULAZIOA: MBA - Arquia Kutxa Master Korporatiboa Homologatutako programa da CMBA, Ramon Llull Unibertsitateko titulazio propioa. 60 ECTS kredituko diploma da: 340 ordu presentzial eta e-learning formatuko 260 prestakuntza-ordu; 600 eskola-ordu guztira. HIZKUNTZA: Ikasgaiak gazteleraz ematen dira, baina ingelesezko materiala ematen da.
NON ETA NOIZ: ESADEren Madrilgo campusean egingo da (Mateo Inurria kalea 25-27. 28036 Madril), 2017ko apiriletik 2018ko abendura. Hau izango da programaren formatua: egun eta erdi hilabetean (astelehenetan 15:00etatik 21:00etara eta asteartean 09:00etatik 18:00etara) eta 3 aste intentsibo (hasierako astea, programaren erdiko astea eta amaierako astea).
ZENBATEKOA: 29.000 euro. ORDAINKETAK: 2.900 euro onarpenerako, 14.500 euro programaren hasieran (2017ko apirila) eta 11.600 euro bigarren seihilekoaren hasieran (2018ko urtarrila). BIDAIA-POLTSA: 10 laguntza desplazamenduetarako. Madrilekoak ez diren hautagaiei zuzendutako laguntzak. ARQUIA KUTXA FINANTZIAZIOA: Matrikula finantzatzeko aukera ematen zaio hautagaiari, arquia-kutxa bulegoetan eskaintzen den “Masterreko mailegua” finantziazioaren bitartez.
Astelehena, 2016ko azaroak 28. Iruña, Alma Hotela, aurkezpen-aperitiboa
Asteartea, 2016ko azaroak 29. Madril, Madrilgo Arkitektoen Elkargo Ofiziala, saio magistrala-aurkezpena
Astelehena, 2016ko abenduak 12. Bilbo, Euskal Herriko Arkitektoen Elkargo Ofiziala, aurkezpen-aperitiboa
2017ko otsaila. Madril, ESADE Campusa, saio magistrala-aurkezpena
Osteguna, 2017ko martxoak 9. Sevilla, FIDAS Fundazioa, saio magistrala-aurkezpena
Astelehena, 2017ko apirilak 24. Madril, ESADE Campusa. MBA - Arquia Kutxa Master Korporatiboaren hasiera
Masterrari, onarpen-prozesuari eta elkarrizketa pertsonalari buruzko informazio gehiago izateko, jarri harremanetan:
Arquia Fundazioa
Arcs kalea 8, lehena eskuma. 08002 Bartzelona
mba.fundacion@arquia.es
www.fundacion.arquia.es/master
T. +34 936 011 115 // +34 934 826 838 (Harremanetarako pertsona: Yolanda Ortega Sanz)
ESADE_Barcelona
Custom Programs. Executive Education
Esplugues etorbidea 92-96. 08034 Bartzelona
www.esade.edu
cmbaarquitectura@esade.edu o fatima.pique@esade.edu
Tel. +34 93 280 61 62 (3715 luzapena) (Harremanetarako pertsona: Fátima Piqué Aldomà)
ESADE_Madril
Custom Programs. Executive Education
Madrilgo campusa. Mateo Inurria kalea 25-27. 28036 Madril
www.esade.edu
cmbaarquitectura@esade.edu
T. +34 913 597 714 (5817 luzapena) (Harremanetarako pertsona: Cristina Liao)
