Poderán optar á bolsa aqueles estudantes de Arquitectura e arquitectos novos con nacionalidade española ou cidadáns con permiso de residencia en España que, na data de finalización da entrega de solicitudes, reúnan os seguintes requisitos:
Estudantes
a) Ter superados, nalgunha Escola española de Arquitectura, como mínimo, o 60 % dos créditos necesarios para obter o título de arquitecto.
b) Estar matriculado no curso 2001/2002 nalgunha Escola española de Arquitectura.
Arquitectos
Estar en posesión do título de arquitecto nunha Escola española de Arquitectura ou dun título de fóra do país homologado en España, obtido despois do 30 de abril de 2001.
Non poderán optar á bolsa aqueles candidatos que xa gozaran dunha bolsa da Fundación Arquia nunha convocatoria anterior.
Os estudios de destino son seleccionados polos estudantes de escolas españolas de Arquitectura como os seus preferidos para faceren prácticas profesionais, segundo os resultados da I Enquisa en liña a estudantes de Arquitectura realizada pola Fundación Arquia en 1998. A actualización dos estudios de destino realízase cada 3 anos a través dunha enquisa en liña.
Os estudios participantes na presente convocatoria, cos cales a Fundación Arquia acordou a admisión de bolseiros en réxime de prácticas, son os seguintes:
Madrid
Ábalos & Herreros
París
AJN Atelier Jean Nouvel
Madrid
Alberto Campo Baeza
Porto
Álvaro Siza
Barcelona
Carles Ferrater
Sevilla
Cruz y Ortiz Arquitectos
Barcelona
EMBT Arquitectos
Barcelona
Estudio Carme Pinós
Londres
FOA
Londres
Foster and Partners
Sevilla
G. Vázquez Consuegra
Basilea
Herzog & De Meuron
Barcelona
Josep Llinàs
Madrid
Juan Navarro Baldeweg
A Coruña
Manuel Gallego
Rotterdam
MVRDV
Rotterdam
OMA
Pamplona
Patxi Mangado
Madrid
Rafael Moneo
Madrid
Vicens-Ramos
Apertura da convocatoria: 1 de xaneiro de 2002
Período de inscrición: do 1 de xaneiro ao 30 de abril de 2002
Resultados: primeira semana de xullo de 2002
Acto de entrega: outubro de 2002
Existen dúas modalidades de participación: expediente académico e concurso. Pode optarse por participar nunha delas ou en ambas as dúas simultaneamente. Convócanse 10 bolsas para cada modalidade. Para asegurar unha axeitada distribución xeográfica das bolsas, ponderarase proporcionalmente ao número de inscricións válidas recibidas por centro e modalidade.
Expediente académico
Os candidatos serán seleccionados en virtude do seu expediente académico. Isto valorarase pola media das notas obtidas nas materias superadas na carreira, así como pola media das notas obtidas nas materias superadas en Proxectos (para este efecto, teranse en conta todas as que dependan do Departamento de Proxectos Arquitectónicos). Estas notas medias serán calculadas polo solicitante, tal e como se especifica no Anexo I das Bases.
Concurso 2002
Os estudantes serán seleccionados en virtude do material presentado a concurso.
A información pódese editar ata o día no que finalicen as inscricións.
Expediente académico
Unha vez realizada a inscrición, acceder a área privada de usuario inserindo o correo electrónico e contrasinal e introducir a media das notas descritas anteriormente na caixa habilitada para tal fin (apartado bolsas, opción "editar participación").
Posteriormente requiriráselles aos preseleccionados o PDF do expediente académico.
Concurso 2002: ‘44’
Material requirido:
As propostas presentaranse baixo lema nun único panel tamaño DIN A1 (841 mm x 594 mm), disposto horizontalmente e montado sobre un soporte plano, ríxido, lixeiro e resistente. Toda a documentación gráfica e escrita deberá estar contida no panel.
A presentación deberá ser a título individual. Para asegurar o anonimato do participante perante o xurado, o material entregado debe omitir os datos persoais e incluír, de forma clara e visible, o lema elixido polo concursante.
Este lema deberá constar tamén na solicitude (www.arquired.es/becas). O veredicto do xurado será inapelable.
A entrega do material requirido para o concurso efectuarase en calquera oficina da Caixa de Arquitectos ou remitirase á sede da Fundación Arquia (calle Arcs, núm. 1, 08002 Barcelona, correo electrónico: becas@arquia.es). O material enviado antes da data límite e non recibido na Fundación dentro dos sete días seguintes non será obxecto de consideración.
A Fundación non se responsabiliza de material perdido ou danado. As propostas que se presenten non se devolverán. A Fundación resérvase o dereito á reprodución e/ou exposición total ou parcial do material entregado.
30 de abril de 2002 ás 12 h do mediodía
30 de abril de 2002 ás 12 h do mediodía
Nace en 1956 na prefectura de Ibaraki, Xapón.
En 1981 gradúase na Universidade de Mulleres do Xapón cun mestrado en arquitectura e comeza traballar na firma Toyo & Associates.
En 1987 establécese pola súa conta coa firma Kazuyo Sejima & Associates.
En 1988 o seu proxecto MHC House é seleccionado para o Premio Kajima, SD Review 1988.
En 1989 recibe o Premio especial de arquitectura residencial da Asociación de Arquitectura de Tokio; o Premio Yosioka, The Japan Architect; e o 2.º Premio na Competición Internacional de Deseño Industrial do Bl.
En 1990 recibe unha mención de honra no concurso La Maison de La Culture de Japón en París, SD Review 1990.
En 1991 gaña o 2.º premio no concurso de deseño do Palacio da Música de Nasunogahara.
En 1992 gaña o 2.º premio na Competición '92 do GID e o 2.º Premio de Deseño de Espazo Comercial. É nomeada "arquitecta nova do ano" polo instituto de arquitectos do Xapón.
En 1994 gaña o Premio de Deseño de Espazo Comercial '94 por Pachinko Parlour I e II.
En 1995 recibe o 3.º posto no concurso de deseño da terminal internacional do porto de Yokohama. Funda xunto con Ryue Nishizawa o estudio de arquitectura SANAA (Sejima + Nishizawa and Associates).
En 2000 recibe o Premio de Arquitectura Erich Schelling en Karlsruhe, Alemaña.
'44'
Os espazos habitables para familias ou grupos de persoas adoitan seguir normas similares, e confinan individuos diferentes en espazos similares e estruturas familiares distintas en similares grupos de espazos. Este exercicio tenta crear novas relacións mentres se investigan as posibilidades de división en múltiples espazos.
O obxecto do concurso consiste na creación dun espazo para que o habiten de forma permanente tres habitantes.
A superficie total será de 250 m² e o número de espazos limitados por paredes será de 44. Definirase a función de cada espazo e incluirase o mobiliario. As relacións entre os espazos son de suma importancia.
A localización é de libre elección polo concursante. Deberá ser descrita en detalle e daráselle importancia á adaptación do proxecto á localización escollida.
