arrow-circle-down arrow-circle-left arrow-circle-up arrow-down arrow-left arrow-line-right arrow-right arrow-up ballon close facebook filter glass lock menu phone play point q question search target twitter
X

Área profesional / Convocatorias

Bolsas 2003

arquia/bolsas convocatoria 2003

IV CONVOCATORIA CONCURSO ARQUIA/BOLSAS

20 bolsas para a realización de prácticas profesionais en estudios europeos de Arquitectura

 

  • Bases
  • A Fundación Arquia, atendendo ao valor formativo que supoñen o coñecemento práctico da profesión e a mobilidade xeográfica, convoca a IV edición do concurso arquia/bolsas, pola que concede 20 bolsas dirixidas a estudantes nos últimos anos da carreira e a arquitectos novos recén titulados, destinadas á realización de prácticas profesionais en estudios europeos de Arquitectura.

    • Candidatos
    • Poderán optar á bolsa aqueles estudantes de Arquitectura e arquitectos novos con nacionalidade española ou cidadáns con permiso de residencia en España que, na data de finalización da entrega de solicitudes, reúnan os seguintes requisitos:
      Estudantes
      a) Ter superados, nalgunha Escola española de Arquitectura, como mínimo, o 60 % dos créditos necesarios para obter o título de arquitecto.
      b) Estar matriculado no curso 2002/2003 nalgunha Escola española de Arquitectura.
      Arquitectos
      Estar en posesión do título de arquitecto nunha Escola española de Arquitectura ou dun título de fóra do país homologado en España, obtido despois do 30 de abril de 2002.
      Non poderán optar á bolsa aqueles candidatos que xa gozaran dunha bolsa da Fundación Arquia nunha convocatoria anterior.

    • Destinos. Estudios participantes
    • Os estudios de destino son seleccionados polos estudantes de Escolas españolas de Arquitectura como os seus preferidos para faceren prácticas profesionais, segundo os resultados da II Enquisa en liña a estudantes de Arquitectura realizada pola Fundación Arquia en 2002. A actualización dos estudios de destino realízase cada 3 anos a través dunha enquisa en liña.
      Os estudios participantes na presente convocatoria, cos cales a Fundación Arquia acordou a admisión de bolseiros en réxime de prácticas, son os seguintes:

      Madrid
      Ábalos & Herreros

      París
      AJN Atelier Jean Nouvel

      Madrid
      Alberto Campo Baeza

      Porto
      Álvaro Siza

      Barcelona
      Carles Ferrater

      Sevilla
      Cruz y Ortiz Arquitectos

      París
      DPA Dominique Perrault Architecte

      Barcelona
      EMBT Arquitectos

      Madrid
      Emilio Tuñón Arquitectos

      Barcelona
      Estudio Carme Pinós

      Londres
      FOA

      Londres
      Foster and Partners 

      Sevilla
      G. Vázquez Consuegra

      Basilea
      Herzog & De Meuron

      Barcelona
      Josep Llinàs

      Madrid
      Juan Navarro Baldeweg

      A Coruña
      Manuel Gallego

      Rótterdam
      MVRDV

      Rótterdam
      OMA

      Madrid
      Rafael Moneo

    • Calendario
    • Apertura da convocatoria: 1 de xaneiro de 2003
      Período de inscrición: do 1 de xaneiro ao 30 de abril de 2003
      Resultados: primeira semana de xullo de 2003
      Acto de entrega: outubro de 2003

    • Modalidades de participación
    • Existen dúas modalidades de participación: expediente académico e concurso. Pode optarse por participar nunha delas ou en ambas as dúas simultaneamente. Convócanse 10 bolsas para cada modalidade. Para asegurar unha axeitada distribución xeográfica das bolsas, ponderarase proporcionalmente ao número de inscricións válidas recibidas por centro e modalidade.
      Expediente académico
      Os candidatos serán seleccionados en virtude do seu expediente académico. Isto valorarase pola media das notas obtidas nas materias superadas na carreira, así como pola media das notas obtidas nas materias superadas en Proxectos (para este efecto, teranse en conta todas as que dependan do Departamento de Proxectos Arquitectónicos). Estas notas medias serán calculadas polo solicitante, tal e como se especifica no Anexo I das Bases.
      Concurso 2003
      Os estudantes serán seleccionados en virtude do material presentado a concurso.

    • Documentación e envío
    • A información pódese editar ata o día no que finalicen as inscricións.
      Expediente académico
      Unha vez realizada a inscrición, acceder a área privada de usuario inserindo o correo electrónico e contrasinal e introducir a media das notas descritas anteriormente na caixa habilitada para tal fin (apartado bolsas, opción "editar participación").
      Posteriormente requiriráselles aos preseleccionados o PDF do expediente académico.

      Concurso 2003: 'Público-privado: una injerencia’
      Unha vez realizada a inscrición, acceder a área privada de usuario inserindo o correo electrónico e contrasinal e achegar e completar os campos obrigatorios.
      Material requirido:
      Máximo 3 DIN A-3, coa memoria incluída nos plans (máxima extensión 1 DIN A-4).

      A presentación deberá ser a título individual. Para asegurar o anonimato do participante perante o xurado, o material entregado debe omitir os datos persoais e incluír, de forma clara e visible, o lema elixido polo concursante e a súa escola de orixe. O devandito lema deberá constar tamén na solicitude contida na páxina www.arquired.es/becas, que deberá ser enviada por Internet. O veredicto do xurado será inapelable.

  • Inscrición
  • A entrega do material requirido para o concurso efectuarase en calquera oficina da Caixa de Arquitectos ou remitirase á sede da Fundación Arquia (calle Arcs, núm. 1, 08002 Barcelona, correo electrónico: becas@arquia.es). O material enviado antes da data límite e non recibido na Fundación dentro dos sete días seguintes non será obxecto de consideración.
    A Fundación non se responsabiliza de material perdido ou danado. As propostas que se presenten non se devolverán. A Fundación resérvase o dereito á reprodución e/ou exposición total ou parcial do material entregado.

  • Data límite de inscrición
  • 30 de abril de 2003 ás 12 h do mediodía

  • Data límite envío documentación
  • 30 de abril de 2003 ás 12 h do mediodía

  • Xurado
  • O xurado estará composto por:

    Iñaki Ábalos

    Iñaki Ábalos (San Sebastián, 1956) é arquitecto pola Escola Técnica Superior de Arquitectura de Madrid (ETSAM), doutor arquitecto e catedrático de Proxectos arquitectónicos na ETSAM. Foi Kenzo Tange Professor (2009), e desde o 2010 é profesor convidado na Graduate School of Design (GSD) da Universidade de Harvard. Socio fundador de Ábalos&Herreros (1984- 2006) e de Ábalos+Sentkiewicz arquitectos, é membro do comité científico do centro de estudos do Canadian Centre for Architecture (CCA) de Montreal (desde 2005) e do Consello de Dirección do Barcelona Institute of Architecture (desde o 2008). É director do Laboratorio de Técnicas e Paisaxes Contemporáneas (dende o 2002) e en 2009 o Royal Institute of British Architects (RIBA) concedeulle a súa adhesión internacional. Foi profesor na Architectural Association (Londres), na EPF (Lausana) e nas universidades estadounidenses de Columbia, Princeton e Cornell. É autor de Le Corbusier. Rascacielos (Concello de Madrid, 1988), Técnica y arquitectura (Nerea, Madrid, 1992) e Natural artificial (ExitLMI, Madrid, 1999), con Juan Herreros; e La buena vida (Editorial Gustavo Gili, Barcelona, 2000), os dous tomos de Atlas pintoresco (Editorial Gustavo Gili, Barcelona, 2005 e 2007), da monografía Alejandro de la Sota (Fundación Caja de Arquitectos, Barcelona, 2009; con Josep Llinàs e Moisés Puente), e editor de Naturaleza y artificio (Editorial Gustavo Gili, Barcelona, 2009).

  • Tema concurso 2003
  • 'Trabajo, naturaleza y ocio'

    O mantemento dun parque natural esixe a creación dunha pequena «Casa do Parque» con cinco despachos, dúas áreas de secretaría, unha sala de reunións, aseos e vestiario, pequena cociña e comedor, área de exposición, área de almacenamento, con superficies para cada unha destas actividades á volta dos 15-20 m2 (240 m2). Ademais, prevese unha área de descanso e recepción de visitantes de 50 m2 e un garaxe para dous vehículos todo terreo, todo isto nunha planta (total 350 m2).
    A «Casa do Parque» será un pavillón nun parque natural da comunidade autónoma onde reside o candidato, localizado nun lugar accesible, pero non necesariamente predominante neste. Deberá expresar, de forma moi económica e sintética, as relacións que a sociedade contemporánea establece co medio natural e as posibilidades que as novas formas de organización do traballo abren para repensar o espazo laboral sen recorer nin á planta libre nin a esquemas de corredor e células.