Poderán optar á bolsa aqueles estudantes de Arquitectura e arquitectos de titulación recente con nacionalidade española ou portuguesa e os cidadáns estranxeiros con permiso de residencia en España ou Portugal que, á data de finalización da entrega de solicitudes, reúnan os seguintes requisitos:
Estudantes
a) Ter superado nalgunha escola española de Arquitectura de España ou Portugal, como mínimo, o 60 % dos créditos necesarios para obter o título habilitante para o exercicio da profesión de arquitecto.
b) Estar matriculado no curso 2018/2019 nalgunha escola de Arquitectura de España ou Portugal.
Arquitectos
Estar en posesión do título habilitante para o exercicio da profesión de arquitecto obtido nunha escola de Arquitectura de España ou Portugal ou, de telo obtido fóra, homologado nalgún destes dous países despois do 30 de abril de 2018.
Os estudios foron seleccionados polo estudantado de escolas españolas de Arquitectura como os seus preferidos para facer prácticas profesionais segundo os resultados da VII enquisa online a estudantes de Arquitectura realizada pola Fundación Arquia en 2017. A actualización dos estudios de destino realízase cada 3 anos por medio dunha enquisa online.
Os estudios participantes na presente convocatoria, con que a Fundación Arquia acordou a admisión de bolseiros en réxime de prácticas, son os seguintes:
Barcelona
Barozzi Veiga
Carme Pinós
EMBT. Miralles Tagliabue
Flores Prats Architects
H-arquitectes
OAB Carlos Ferrater
Madrid
Alberto Campo Baeza
amid.cero9
Emilio Tuñón arquitectos
Estudio Herreros
Nieto Sobejano, Arquitectos
NoMAD
Rafael Moneo
Olot
RCR. Aranda Pigem Vilalta
Pamplona
Patxi Mangado
Sevilla
Cruz y Ortiz Arquitectos
Basilea
Herzog & de Meuron
Berlín
Kéré Architecture
Lisboa
Aires Mateus e Associados
Londres
AZPML. Alejandro Zaera-Polo Maider Llaguno Architecture
Foster and Partners
Oporto
Álvaro Siza
París
Lacaton & Vassal Architectes
Rotterdam
MVRDV
Apertura convocatoria: 2 de xaneiro de 2019
Período de inscrición: 2 de xaneiro a 30 de abril de 2019
Resultados: xullo de 2019
Acto de entrega: outubro de 2019
Existen dúas modalidades de participación: expediente académico e concurso. Pode optarse a participar nunha delas ou en ambas simultaneamente. Convócanse 12 bolsas para cada modalidade. A fin de asegurar unha distribución xeográfica axeitada das bolsas, farase unha ponderación proporcional ao número de inscricións válidas recibidas por centro e modalidade.
Expediente académico
Os candidatos serán seleccionados en virtude do seu expediente académico. Este valorarase pola media das notas obtidas nas materias superadas da carreira, así como pola media das notas obtidas nas materias superadas de Proxectos (para este efecto, consideraranse todas as que dependan do Departamento de Proxectos Arquitectónicos). Estas notas medias serán calculadas polo solicitante, tal como se especifica no anexo I das bases.
Concurso 2019
Os estudantes serán seleccionados en virtude do material achegado a concurso.
A información pódese editar até o día e a hora que rematen as inscricións: 30 de abril de 2019 ás 12.00 do mediodía (hora peninsular española).
Expediente académico
Unha vez realizada a inscrición, acceder á área privada de usuario inserindo o correo electrónico e o contrasinal, e introducir a media das notas descritas anteriormente na casa habilitada para iso (apartado «Bolsas», opción «Editar participación»).Concurso 2019: «Segunda man: unha casa discreta»
Unha vez realizada a inscrición, acceder á área privada de usuario inserindo o correo e o contrasinal, e achegar e completar os campos obrigatorios.Fotografías
Debuxos rigorosos
Bosquexos que ilustren a proposta
A inscrición ao concurso arquia/bolsas só pode realizarse dende o sistema de inscrición online completando o formulario específico.
Para facilitar o proceso de inscrición podes gardar o estado da inscrición en calquera momento e seguir noutro momento.
Martes 30 de abril de 2019 ás 12.00 do mediodía (hora peninsular española).
Martes 30 de abril de 2019 ás 12.00 do mediodía (hora peninsular española).
Ponte Visconteo
Valeggio Sul Mincio, Itália
Programa:
Hai unhas semanas visitei en París unha exposición de arquitectura, moi interesante, sobre o traballo dun arquitecto xaponés novo, Junya Ishigami. Nunha entrevista en vídeo que acompaña a exposición, afirma (cito de memoria) que o arquitecto é un «guía turístico». Ao primeiro, esta afirmación escandalizoume. Despois, pensándoo mellor, pareceume unha idea interesante: imaxinar que os arquitectos ían viaxando e coñecendo o mundo que pouco e pouco van revelando!
Pedimos que nos mostren un sitio construído ou natural que, cun mínimo de intervención, poida configurar unha casa discreta.
«...O vello xesto do speculum platónico, o de dividir o real, non entre o falso e o verdadeiro, senón entre o que efectivamente é e as virtualidades que contén, invisibles. Unha árbore, esta árbore, se non é fotografada, segue a enviar as súas imaxes; como afirma Bergson: «como non ver que a fotografía, se ela existe, xa está tomada, sacada no interior mesmo das cousas e para todos os puntos do espazo? Ningunha metafísica, ningunha física mesmo, pode subtraerse a esta conclusión». (Henri Bergson, Matière et mémoire, París, PUF, 1939, p. 22)
José Bragança de Miranda, ph.01 – Jorge Molder: A fotografia como incisão. Lisboa, Imprensa Nacional-Casa da Moeda, 2017, p. 9
A Fundación Arquia, convoca, coa colaboración do Ministerio de Fomento, Dirección Xeral de Arquitectura, Vivenda e Solo, 3 bolsas para estudantes de Arquitectura e arquitectos de titulación recente destinadas á realización de prácticas profesionais na Administración pública, Ministerio de Fomento, Dirección Xeral de Arquitectura, Vivenda e Solo.
A Fundación Arquia acordou coa Fundación Metrópoli a admisión de 2 arquitectos de titulación recente das escolas de Arquitectura de España e Portugal e que teñan interese polo urbanismo, a innovación e o desenvolvemento da cidade para realizar prácticas profesionais nas súas instalacións de Madrid.
A Fundación Arquia, atendendo ao valor formativo que supón o coñecemento práctico da profesión, convoca 1 bolsa para estudantes de Arquitectura e arquitectos de titulación recente das escolas de Arquitectura de España e Portugal destinadas á realización de prácticas de xestión cultural, non-laborables, na sede da Royal Academy of Arts en Londres.
A Fundación Arquia, atendendo ao valor formativo que supón o coñecemento práctico da profesión, convoca 1 bolsa para estudantes de Arquitectura e arquitectos de recente titulación nas escolas de Arquitectura de España e Portugal destinada á realización de prácticas de xestión cultural, non-laborables, na sede da Fundación Arquia en Barcelona.
A Fundación Arquia convoca, coa colaboración da Fundación Arquitectura y Sociedad, 2 bolsas de matrícula para estudantes de Arquitectura e arquitectos de titulación recente das escolas de Arquitectura de España e Portugal destinadas á participación no Campus de Ultzama 2019.
