Terragni

Terragni

Obra construída 1904-1943

Giuseppe Terragni (1904-1943) foi un arquitecto italiano de carreira breve, só quince anos, pero no entanto, a súa obra é recoñecida como a de maior talento no período de entreguerras e gañou merecidamente un lugar de prestixio na historia da arquitectura moderna.

A bibliografía da súa obra, ferramenta básica para o seu coñecemento, é en comparación á súa importancia, relativamente escasa e practicamente inexistente en castelán. Esta circunstancia dificultou a divulgación e comprensión da súa obra, das súas cores, dos materiais que utilizaba e dos seus detalles. Non fai falta dicir que a obra e o pensamento de Terragni sobre a arquitectura, á marxe do seu valor puramente histórico, é aínda hoxe perfectamente válido e interesante.

A exposición quere ofrecer, en primeiro lugar, unha revisión da súa obra construída que permita mellorar o seu coñecemento e entender a visión polémica que tiña sobre a arquitectura e, en segundo lugar, aproveitar a conmemoración do centenario do seu nacemento para recuperalo como un dos grandes arquitectos da primeira metade do século XX.