arrow-circle-down arrow-circle-left arrow-circle-up arrow-down arrow-left arrow-line-right arrow-right arrow-up ballon close facebook filter glass lock menu phone play point q question search target twitter
X

Área profesional / Rede FQ

Rexistro DOCOMOMO

DOCOMOMO (Documentación e Conservación da arquitectura e o urbanismo do Movemento Moderno) é unha organización internacional creada en 1990 cuxo principal obxectivo é inventariar, divulgar e protexer o patrimonio arquitectónico moderno do século XX. Para iso configurou unha estratexia xeográfica da que derivou a creación da Fundación DOCOMOMO Ibérico en 1993, con sede en Barcelona, que coordina a consecución destes obxectivos xerais aplicados a España e Portugal, coa colaboración de colexios de arquitectos, institutos de patrimonio e outras institucións dedicadas á difusión da arquitectura como a Fundación Arquia.

O Rexistro DOCOMOMO Ibérico

A Fundación DOCOMOMO Ibérico leva a cabo desde 1993 un ambicioso proxecto: a detección dos elementos máis destacados do patrimonio arquitectónico moderno do século XX. Froito deste traballo son os Rexistros DOCOMOMO Ibérico, dedicados á industria, á vivenda e aos equipamentos, que agrupan 1144 obras realizadas entre 1625 e 1965 e documentadas de forma exhaustiva. A través deste espazo web da plataforma FQ pódense consultar as obras incluídas nos Rexistros DOCOMOMO Ibérico, complementando a información dispoñible na propia base de datos da Fundación DOCOMOMO Ibérico.

 

Galería

A Galería de realizacións mostra unha selección aleatoria dos edificios incluídos nos Rexistros DOCOMOMO Ibérico. Cada vez que se accede á páxina web ou que esta se actualiza, a galería actualízase e mostra unha nova selección.

 

Buscador de realizacións

O buscador de realizacións permite realizar procuras entre os edificios incluídos nos Rexistros DOCOMOMO Ibérico, filtradas segundo a denominación do edificio, ben sexa orixinal ou actual, o uso orixinal, a autoría ou a localización.

 

Xeolocalizador e itinerarios

As realizacións do rexistro DOCOMOMO están xeolocalizadas de maneira que permite ao usuario incorporalas aos itinerarios personalizados que queira xerar a partir dos edificios.

 

Rexístrate na Fundación

Rexístrate como usuario da Fundación nos diferentes perfís de usuario