arrow-circle-down arrow-circle-left arrow-circle-up arrow-down arrow-left arrow-line-right arrow-right arrow-up ballon close facebook filter glass lock menu phone play point q question search target twitter
X

Centro de documentación / Ciclos

Rafael Moneo.

Unha paixón insaciable polo coñecemento.

Unha paixón insaciable polo coñecemento.

Francisco González de Canales Ruiz

 

O Centro de documentación da Fundación Arquia conta cunha ampla colección audiovisual vinculada ao arquitecto Rafael Moneo. A videoteca posúe un número importante de charlas que o arquitecto ofreceu sobre a súa obra máis recente, principalmente a construída a partir do século XXI.

 
Tamén son salientables as conferencias ofrecidas sobre edificios de especial repercusión na súa carreira, e sobre todo, aqueles vinculados a Madrid, como Bankinter, Thyssen, Atocha ou O Prado, presentes na colección grazas aos fondos compartidos coa Fundación COAM do Colexio de Arquitectos de Madrid. Dentro dos documentos que abranguen retrospectivamente a obra completa do arquitecto, cómpre destacar as entrevistas realizadas por Luis Fernández-Galiano en 2013, onde se repasan os principais fitos da súa carreira arquitectónica, ou a conversa con Antonio San José na Fundación March en 2011. Tamén é relevante a conferencia que Moneo presentou na Escola Técnica Superior de Arquitectura da Coruña co gallo da inauguración en 2013 da exposición Rafael Moneo: Unha reflexión teórica dende a profesión. Materiais de arquivo (1961-2013), que ofrece un amplo panorama sobre a súa obra, con especial fincapé na importancia do debuxo nela.

Á marxe destas charlas ou conversas ofrecidas polo arquitecto, e da súa participación en presentacións e mesas redondas, existen documentos audiovisuais en que as obras de Moneo son analizadas criticamente por terceiros. Entre eles atópase o episodio dedicado por Luis Fernández-Galiano ao Museo Nacional de Arte Romana de Mérida no seu ciclo A arquitectura en España. Da transición á incerteza, de 2017. Así mesmo, unha das contribucións máis importantes a este respecto é o libro Consideraciones sobre la obra de Rafael Moneo (2019), que inclúe notas críticas sobre diferentes períodos da obra de Moneo realizadas por Stan Allen, Antón Capitel, Francesco Dal Co, Carmén Diez, María Teresa Muñoz, Josep Quetglas, Nicholas Ray, Luis Rojo e Gabriel Ruiz Cabrero, e que tiveron lugar con motivo das charlas ofrecidas sobre o arquitecto por estes autores no Museo Thyssen-Bornemisza en 2017. O documental Rafael Moneo: Coraje y convicción, emitido por Televisión Española no ano 2003 dentro do programa El elogio de la luz, pecharía este conxunto de documentos sobre o autor.

A colección do Centro de documentación da Fundación Arquia tampouco deixa de lado a faceta como crítico e docente que Moneo desenvolveu ao longo da súa carreira. Dúas contribucións relevantes a este respecto son as charlas que o arquitecto ofreceu sobre a tipoloxía en Alvar Aalto ou a arquitectura americana dos anos oitenta, en 1981 e 1988 respectivamente. Ambas as conferencias tiveron lugar na Escola Técnica Superior de Arquitectura de Barcelona e están presentes no Centro de documentación grazas á colaboración da Universidade Politécnica de Cataluña. Tamén se pode incluír neste apartado a entrevista en que o arquitecto explica a obra do mestre danés Jørn Utzon, co que Moneo colaborou a principios dos anos 60. Finalmente, dentro desta faceta crítica, o Centro conta cos prólogos que o arquitecto escribiu sobre teses publicadas pola Fundación Arquia, como Tránsitos de la forma, de Enrique de Teresa, onde se analiza a obra de arquitectos especialmente estudados por Moneo (como Siza ou Stirling), ou Lección de Ruinas, de Alberto Ustarroz, onde se desenvolve o interese de Moneo pola presenza da arquitectura antiga dentro da modernidade.

 

Francisco González de Canales

Arquitecto
ETS A - Sevilla - US
SEVILLA | ESPAÑA

Recursos

Recurso CD
El Nuevo Prado, dos experiencias
[encuentro en el auditorio del Museo del Prado, 7 de octubre de 2008] / Rafael Moneo y Antonio López
Recurso CD
Rafael Moneo
Rafael Moneo en diálogo con Antonio San José
Recurso CD
Rafael Moneo
Una reflexión teórica desde la reflexión
Recurso CD
El Museo de Arte Romano de Mérida.
Los símbolos del cambio (1982-1996)
Recurso CD
El futur de l'Òpera de Sydney
Conferència de Rafael Moneo :exposició i conferències Utzon
Recurso CD
La lección de las ruinas
Presencia del pensamiento griego y del pensamiento romano en la arquitectura
Recurso CD
Consideraciones sobre la obra de Rafael Moneo
= /Considerações sobre a obra de Rafael Moneo
Recurso CD
Rafael Moneo
Entrevistado por Luis Fernández-Galiano