Poderán optar á bolsa aqueles estudantes de Arquitectura e arquitectos novos con nacionalidade española ou cidadáns con permiso de residencia en España que, na data de finalización da entrega de solicitudes, reúnan os seguintes requisitos:
Estudantes
a) Ter superados, nalgunha Escola española de Arquitectura, como mínimo, o 60 % dos créditos necesarios para obter o título de arquitecto.
b) Estar matriculado no curso 2005/2006 nalgunha Escola española de Arquitectura.
Arquitectos
Estar en posesión do título de arquitecto nunha Escola española de Arquitectura ou dun título de fóra do país homologado en España, obtido despois do 30 de abril de 2005.
Non poderán optar á bolsa aqueles candidatos que xa gozaran dunha bolsa da Fundación Arquia nunha convocatoria anterior.
Os estudios de destino son seleccionados polos estudantes de escolas españolas de Arquitectura como os seus preferidos para faceren prácticas profesionais, segundo os resultados da III Enquisa en liña a estudantes de Arquitectura realizada pola Fundación Arquia en 2005. A actualización dos estudios de destino realízase cada 3 anos a través dunha enquisa en liña.
Os estudios participantes na presente convocatoria, cos cales a Fundación Arquia acordou a admisión de bolseiros en réxime de prácticas, son os seguintes:
Madrid
Ábalos & Herreros
París
AJN Atelier Jean Nouvel
Madrid
Alberto Campo Baeza
Porto
Álvaro Siza
Barcelona
Carles Ferrater
Sevilla
Cruz y Ortiz Arquitectos
Londres
David Chipperfield Architects
París
DPA Dominique Perrault Architecte
Barcelona
EMBT Arquitectos
Madrid
Emilio Tuñón Arquitectos
Barcelona
Estudio Carme Pinós
Londres
FOA
Londres
Foster and Partners
Basilea
Herzog & De Meuron
Madrid
Juan Navarro Baldeweg
Róterdam
MVRDV
Madrid
NO.MAD Arquitectos. S. L.
Rótterdam
OMA
Madrid
Rafael Moneo
Olot
RCR Aranda Pigem Vilalta
Apertura da convocatoria: 1 xaneiro de 2006
Período de inscrición: 1 de xaneiro ao 30 de abril de 2006
Resultados: primeira semana de xullo de 2006
Acto de entrega: outubro de 2006
Existen dúas modalidades de participación: expediente académico e concurso. Pode optarse por participar nunha delas ou en ambas as dúas simultaneamente. Convócanse 10 bolsas para cada modalidade. Para asegurar unha axeitada distribución xeográfica das bolsas, ponderarase proporcionalmente ao número de inscricións válidas recibidas por centro e modalidade.
Expediente académico
Os candidatos serán seleccionados en virtude do seu expediente académico. Isto valorarase pola media das notas obtidas nas materias superadas na carreira, así como pola media das notas obtidas nas materias superadas en Proxectos (para este efecto, teranse en conta todas as que dependan do Departamento de Proxectos Arquitectónicos). Estas notas medias serán calculadas polo solicitante, tal e como se especifica no Anexo I das Bases.
Concurso de 2006
Os estudantes serán seleccionados en virtude do material presentado a concurso.
A información pódese editar ata o día no que finalicen as inscricións.
Expediente académico
Unha vez realizada a inscrición, acceder a área privada de usuario inserindo o correo electrónico e contrasinal e introducir a media das notas descritas anteriormente na caixa habilitada para tal fin (apartado bolsas, opción "editar participación")
Posteriormente requiriráselles aos preseleccionados o PDF do expediente académico.
Concurso de 2006: 'Trabajar el límite’
Unha vez realizada a inscrición, acceder a área privada de usuario inserindo o correo electrónico e contrasinal e achegar e completar os campos obrigatorios.
Material requirido:
Remitiranse pola Internet, a través da páxina web da convocatoria, un máximo de 2 imaxes coa información óptima para a súa reprodución en Din A3, coas seguintes características:
Dimensión: 1024 x 768 píxeles
Resolución: 72 dpi
Tamaño: 1 Mb en total
Formato: .jpg, .gif, .png
O tamaño máximo do arquivo será de 5 Mb.
Non se aceptarán propostas presentadas por outro medio que non sexa Internet ou recibidas unha vez clausurada a convocatoria. A presentación deberá ser a título individual. Para asegurar o anonimato do participante perante o xurado, os arquivos enviados deberán omitir os datos persoais. O material entregado debe incluír, de xeito claro e visible, o lema elixido polo concursante e a súa escola de orixe. O veredicto do xurado será inapelable. A Fundación resérvase o dereito á reprodución e/ou exposición total ou parcial das propostas presentadas ao concurso.
A inscrición ao concurso arquia/bolsas só pode realizarse a través do sistema de inscrición en liña, enchendo o formulario habilitado.
Para facilitar o proceso de inscrición podes gardar o estado da inscrición en calquera momento e seguir noutro momento.
30 de abril de 2006 ás 12h do mediodía
30 de abril de 2006 ás 12h do mediodía
Nado en Navarra en 1957, Francisco Mangado é arquitecto pola Escola Superior de Arquitectura da Universidade de Navarra, onde desenvolve o seu labor como profesor desde 1982. No campo da docencia, tamén foi profesor convidado na Graduate School of Design da Universidade de Harvard. Tamén foi profesor visitante de arquitectura Eero Saarinen na Escola de Arquitectura da Universidade de Yale. Mangado é tamén profesor de proxectos no mestrado de deseño arquitectónico e profesor extraordinario de proxectos na Escola de Arquitectura da Universidade de Navarra e profesor convidado na École Polytechnique Fédérale de Lausanne. En xuño de 2008 impulsou a Fundación Arquitectura e Sociedade, que traballa para promover a interacción da arquitectura con outras disciplinas de creación, pensamento e economía. Paralelamente á sua actividade académica e á sua dedicación aos programas da fundación, exerce de arquitecto desde o seu estudio en Pamplona.
Grazas a esta labor profesional, recibiu entre outros o Primeiro Premio de Arquitectura Andrea Palladio, o Thiene de Arquitectura, o Premio Architécti, o Premio da CEOE e o FAD, o Primeiro Premio na XX edición dos Premios de Urbanismo, Arquitectura e Obra Pública 2005 outorgados polo concello de Madrid. Ademais, obtivo o Premio Saloni de Arquitectura 2007, o Gran Premio Enor de Arquitectura 2007, así como o Primeiro Premio de Arquitectura do COAL 2007. O Pavillón de España na Expo Zaragoza 2008 acadou os seguintes premios:
'Trabajar el límite'
“O límite xeográfico na arquitectura é determinante. Guste ou non, a súa existencia marca unha realidade inexorable da que o proxecto dificilmente pode escapar e á que tarde ou cedo debe responder. Non obstante, asumido de maneira intelixente está na orixe duns dos máis atractivos fragmentos de arquitectura ao longo da historia.
Un coñecido compositor comprou unha parcela nunha paisaxe idílica, así polo menos prometeuno o seu amigo. A súa intención é retirarse alí, construír un refuxio onde traballar illado durante longas tempadas do ano. O único que importa sobre o lugar é o que lle pediu ao seu amigo: que poderá construír sobre unha liña divisoria entre a terra e a auga, un bordo físico que considera o límite por excelencia, o límite dos medios e das formas de vida. A súa idea é que todo xire ao redor do estudo, que debe ser o corazón do conxunto, un lugar amplo onde poder traballar, comprobar as súas composicións e, ocasionalmente, falar cun amigo que o visite. Pouco máis fai falta para iso: abondarán dous modestos cuartos, un baño e unha pequena cociña. O único que ten claro é que o seu refuxio ha de estar referido, física e conceptualmente, construído enriba se é posible, dese límite que para el representa tanto"
