Nado en Navarra en 1957, Francisco Mangado é arquitecto pola Escola Superior de Arquitectura da Universidade de Navarra, onde desenvolve o seu labor como profesor desde 1982. No campo da docencia, tamén foi profesor convidado na Graduate School of Design da Universidade de Harvard. Tamén foi profesor visitante de arquitectura Eero Saarinen na Escola de Arquitectura da Universidade de Yale. Mangado é tamén profesor de proxectos no mestrado de deseño arquitectónico e profesor extraordinario de proxectos na Escola de Arquitectura da Universidade de Navarra e profesor convidado na École Polytechnique Fédérale de Lausanne. En xuño de 2008 impulsou a Fundación Arquitectura e Sociedade, que traballa para promover a interacción da arquitectura con outras disciplinas de creación, pensamento e economía. Paralelamente á súa actividade académica e á súa dedicación aos programas da Fundación, exerce de arquitecto desde o seu estudio en Pamplona.
Grazas a este labor profesional recibiu, entre outros, o Premio de Arquitectura Andrea Palladio, o Thiene de Arquitectura, o Premio Architécti, o Premio da CEOE e o FAD, o Primeiro Premio na XX edición dos Premios de Urbanismo, Arquitectura e Obra Pública 2006 concedidos polo Concello de Madrid. Ademais, obtivo o Premio Saloni de Arquitectura 2007, o Gran Premio de Arquitectura 2007, o Gran Premio Enor de Arquitectura 2007, así como o Primeiro Premio Arquitectura do COAL 2007. O Pavillón de España na Expo Zaragoza 2008 obtivo os seguintes premios: o primeiro premio na VII edición de Cerámica de Arquitectura ASCER en 2008; en 2009, o primeiro premio Construmat en Edificación; a "Medalla de Oro Giancarlo Ius", outorgada pola UIA, o Premio García Mercadal outorgado polo Colexio de Arquitectos de Aragón (COA) e o Premio de Arquitectura Española polo Consello Superior dos Colexios de Arquitectos de España (CSCAE), así como en 2010 o Green Good Design do Chicago Athenaeum. O Museo Arqueolóxico de Vitoria recibiu en 2010 o Premio Copper de Arquitectura, o Primeiro Premio COAVN de Arquitectura na categoría Edificación Dotacional e o International Architecture Award de 2010. O Centro Municipal de Exposicións e Congresos de Ávila obtivo o International Architecture Award en 2011.
En decembro dese mesmo ano, Francisco Mangado foi nomeado RIBA International Fellowship, recoñecemento outorgado polo Real Instituto de Arquitectos Británico (RIBA) a profesionais non británicos pola súa particular contribución ao campo da arquitectura.
Emilio Tuñón Alvarez (1959) e Luis M. Mansilla (1959), fundadores da cooperativa de pensamentos CIRCO, son profesores titulares do departamento de proxectos arquitectónicos da Escola de Arquitectura de Madrid e foron profesores na Princeton University School of Architecture (2008-2010) e na Harvard Graduate School of Design (2006). Recibiron o Premio Mies van der Rohe 2007, o Premio Nacional de Arquitectura Española 2003 e os Premios FAD 2001 e 2007.
Tema: 'TRABAJAR EL LÍMITE’
O límite xeográfico na arquitectura é determinante. Guste ou non, a súa existencia marca unha realidade inexorable da que o proxecto dificilmente pode escapar e á que tarde ou cedo debe responder. Asumido, porén, de maneira intelixente está na orixe duns dos máis atractivos fragmentos da arquitectura ao longo da historia.
