Poderán optar á bolsa aqueles estudantes de Arquitectura e arquitectos novos con nacionalidade española ou cidadáns con permiso de residencia en España que, na data de finalización da entrega de solicitudes, reúnan os seguintes requisitos:
Estudantes
a) Ter superados, nalgunha Escola española de Arquitectura, como mínimo, o 60 % dos créditos necesarios para obter o título de arquitecto.
b) Estar matriculado no curso 2006/2007 nalgunha Escola española de Arquitectura.
Arquitectos
Estar en posesión do título de arquitecto nunha Escola española de Arquitectura ou dun título de fóra do país homologado en España, obtido despois do 30 de abril de 2006.
Non poderán optar á bolsa aqueles candidatos que xa gozaran dunha bolsa da Fundación Arquia nunha convocatoria anterior.
Os estudios de destino son seleccionados polos estudantes de escolas españolas de Arquitectura como os seus preferidos para faceren prácticas profesionais, segundo os resultados da III Enquisa en liña a estudantes de Arquitectura realizada pola Fundación Arquia en 2005. A actualización dos estudios de destino realízase cada 3 anos a través dunha enquisa en liña.
Os estudios participantes na presente convocatoria, cos cales a Fundación Arquia acordou a admisión de bolseiros en réxime de prácticas, son os seguintes:
Madrid
Ábalos & Herreros
París
AJN Atelier Jean Nouvel
Madrid
Alberto Campo Baeza
Porto
Álvaro Siza
Barcelona
Carles Ferrater
Sevilla
Cruz y Ortiz Arquitectos
Londres
David Chipperfield Architects
París
DPA Dominique Perrault Architecte
Barcelona
EMBT Arquitectos
Madrid
Emilio Tuñón Arquitectos
Barcelona
Estudio Carme Pinós
Londres
FOA
Londres
Foster and Partners
Basilea
Herzog & De Meuron
Madrid
Juan Navarro Baldeweg
Róterdam
MVRDV
Madrid
NO.MAD Arquitectos. S. L.
Rótterdam
OMA
Madrid
Rafael Moneo
Olot
RCR Aranda Pigem Vilalta
Apertura da convocatoria: 1 de xaneiro de 2007
Período de inscrición: 1 de xaneiro ao 30 de abril de 2007
Resultados: primeira semana de xullo de 2007
Acto de entrega: outubro de 2007
Existen dúas modalidades de participación: expediente académico e concurso. Pode optarse por participar nunha delas ou en ambas as dúas simultaneamente. Convócanse 10 bolsas para cada modalidade. Para asegurar unha axeitada distribución xeográfica das bolsas, ponderarase proporcionalmente ao número de inscricións válidas recibidas por centro e modalidade.
Expediente académico
Os candidatos serán seleccionados en virtude do seu expediente académico. Isto valorarase pola media das notas obtidas nas materias superadas na carreira, así como pola media das notas obtidas nas materias superadas en Proxectos (para este efecto, teranse en conta todas as que dependan do Departamento de Proxectos Arquitectónicos). Estas notas medias serán calculadas polo solicitante, tal e como se especifica no Anexo I das Bases.
Concurso 2007
Os estudantes serán seleccionados en virtude do material presentado a concurso.
A información pódese editar ata o día no que finalicen as inscricións.
Expediente académico
Unha vez realizada a inscrición, acceder a área privada de usuario inserindo o correo electrónico e contrasinal e introducir a media das notas descritas anteriormente na caixa habilitada para tal fin (apartado bolsas, opción "editar participación")
Posteriormente requiriráselles aos preseleccionados o PDF do expediente académico.
Concurso 2007: 'Reconstrucción en el límite’
Unha vez realizada a inscrición, acceder a área privada de usuario inserindo o correo electrónico e contrasinal e achegar e completar os campos obrigatorios.
Material requirido:
Documento PowerPoint formado por 20 diapositivas, onde se incluirá a totalidade da documentación: diagramas, andares, alzados, seccións, perspectivas, fotomontaxes, fotografías de maquetas, memoria, etc.
O tamaño máximo do arquivo PowerPoint será de 5 Mb.
Non se aceptarán propostas presentadas por outro medio que non sexa Internet ou recibidas unha vez clausurada a convocatoria. A presentación deberá ser a título individual. Para asegurar o anonimato do participante perante o xurado, os arquivos enviados deberán omitir os datos persoais. O material entregado debe incluír, de xeito claro e visible, o lema elixido polo concursante e a súa escola de orixe. O veredicto do xurado será inapelable. A Fundación resérvase o dereito á reprodución e/ou exposición total ou parcial das propostas presentadas ao concurso.
A inscrición ao concurso arquia/bolsas só pode realizarse a través do sistema de inscrición en liña, enchendo o formulario habilitado.
Para facilitar o proceso de inscrición podes gardar o estado da inscrición en calquera momento e seguir noutro momento.
30 de abril de 2007 ás 12 h do mediodía
30 de abril de 2007 ás 12 h do mediodía
Emilio Tuñón Álvarez (1959) e Luis M. Mansilla (1959), fundadores da cooperativa de pensamentos CIRCO, son profesores titulares do departamento de proxectos arquitectónicos da Escola de Arquitectura de Madrid e han foron profesores na Princeton University School of Architecture (2008-2010) e na Harvard Graduate School of Design (2006). Foron galardoados co Premio Mies van der Rohe 2007, co Premio Nacional de Arquitectura Española 2003 e cos Premios FAD 2001 e 2007.
"Reconstrucción en el límite"
"A fotografía, que apareceu no diario El País o 3 de agosto de 2006, amosa os tráxicos efectos da ofensiva que o exército de Israel efectuou como resposta aos ataques de Hezbolá desde o sur do Líbano. O traballo que se propón para as persoas solicitantes das bolsas 2007 da Fundación Caja de Arquitectos, consiste na realización dunha proposta de reconstrución do edificio residencial que aparece, en primeiro plano, na fotografía, dentro da campaña de reconstrución do Líbano que, financiada por diferentes países, se realizará nos próximos anos. A única información que terán as persoas solicitantes é a que se pode deducir desta fotografía, polo que necesitarán realizar unha labor de análise e interpretación previa, baseada nos datos que se poden extraer da imaxe. A proposta deberá tratar de incidir sobre o maior número de caras do poliédrico corazón da arquitectura, é dicir, sobre cuestións tan variadas como son as ideolóxicas, simbólicas, sociais, formais, funcionais, enerxéticas, materiais, económicas, etc."
