-
Becas y convocatorias
Poderán optar á bolsa aqueles estudantes de Arquitectura e arquitectos novos con nacionalidade española ou cidadáns con permiso de residencia en España que, na data de finalización da entrega de solicitudes, reúnan os seguintes requisitos:
Estudantes
a) Ter superados, nalgunha Escola española de Arquitectura, como mínimo, o 60 % dos créditos necesarios para obter o título de arquitecto.
b) Estar matriculado no curso 2014/2015 nalgunha Escola española de Arquitectura.
Arquitectos
Estar en posesión do título de arquitecto nunha Escola española de Arquitectura ou dun título de fóra do país homologado en España, obtido despois do 30 de abril de 2014.
Non poderán optar á bolsa aqueles candidatos que xa gozaran dunha bolsa da Fundación Arquia nunha convocatoria anterior.
Os estudios de destino son seleccionados polos estudantes de escolas españolas de Arquitectura como os seus preferidos para faceren prácticas profesionais, segundo os resultados da VI Enquisa en liña a estudantes de Arquitectura realizada pola Fundación Arquia en 2014. A actualización dos estudios de destino realízase cada 3 anos a través dunha enquisa en liña.
Os estudios participantes na presente convocatoria, cos cales a Fundación Arquia acordou a admisión de bolseiros en réxime de prácticas, son os seguintes:
Madrid
Ábalos+Sentkiewicz Arquitectos
Lisboa
Aires Mateus
Madrid
Alberto Campo Baeza
Porto
Álvaro Siza
Londres
AZPML. A. Zaera-Polo M. Llaguno Architecture
Barcelona
Carles Ferrater
Sevilla
Cruz y Ortiz Arquitectos
Barcelona
EMBT Arquitectos
Madrid
Emilio Tuñón Arquitectos
Barcelona
Estudio Carme Pinós
Londres
Foster and Partners
Madrid
Fundación Metrópoli
Madrid
Fundación Metrópoli
Madrid
Herreros Arquitectos
Basilea
Herzog & de Meuron
París
Lacaton & Vassal Architectes
Madrid
Ministerio de Fomento
Madrid
Ministerio de Fomento
Madrid
Ministerio de Fomento
Rotterdam
MVRDV
Madrid
Nieto Sobejano, Arquitectos
Madrid
NO.MAD Arquitectos. S.L.
Pamplona
Patxi Mangado
Madrid
Rafael Moneo
Olot
RCR. Aranda Pigem Vilalta
Apertura da convocatoria: 1 de xaneiro 2015
Período de inscrición: Do 1 de xaneiro ao 30 de abril de 2015
Resultados: primeira semana de xullo de 2015
Acto de entrega: outubro 2015
Existen dúas modalidades de participación: expediente académico e concurso. Pódese optar por participar nunha delas ou en ambas as dúas simultaneamente. Convócanse 10 bolsas para cada modalidade. A fin de asegurar unha distribución xeográfica axeitada das bolsas, farase unha ponderación proporcional ao número de inscricións válidas recibidas por centro e modalidade.
Expediente académico
Os candidatos serán seleccionados en virtude do seu expediente académico. Este valorarase en función da media das notas obtidas nas materias superadas da carreira e en función da media das notas obtidas nas materias superadas de Proxectos (para tal efecto consideraranse todas as materias que dependan do departamento de Proxectos Arquitectónicos). Estas notas medias serán calculadas polo solicitante, tal como se especifica no anexo I das bases.
Concurso 2016
Os estudantes serán seleccionados en virtude do material achegado a concurso.
A información pódese editar ata o día no que finalicen as inscricións.
Expediente académico
Unha vez realizada a inscrición, acceder a área privada de usuario inserindo o correo electrónico e contrasinal e introducir a media das notas descritas anteriormente na caixa habilitada para tal fin (apartado bolsas, opción "editar participación")
Posteriormente requiriráselles aos preseleccionados o PDF do expediente académico.
Concurso 2015: Una torre para volar
Unha vez realizada a inscrición, acceder a área privada de usuario inserindo o correo electrónico e contrasinal e achegar e completar os campos obrigatorios.
Material requirido: (documento PDF): 1 arquivo PDF en formato DIN A3 que conteña:
5 páxinas, como máximo, coa totalidade da información: debuxos, perspectivas, fotografías de maqueta e memoria, así como un breve relato “Una torre para volar” que responda á pregunta para que subimos ás alturas?
O tamaño máximo do arquivo PDF será de 5 Mb
Non se aceptarán propostas presentadas por outro medio que non sexa Internet ou recibidas unha vez clausurada a convocatoria. A presentación deberá ser a título individual. Para asegurar o anonimato do participante perante o xurado, os arquivos enviados deberán omitir os datos persoais. O material entregado debe incluír, de xeito claro e visible, o lema elixido polo concursante e a súa escola de orixe. O veredicto do xurado será inapelable. A Fundación resérvase o dereito á reprodución e/ou exposición total ou parcial das propostas presentadas ao concurso.
A inscrición ao concurso arquia/bolsas só pode realizarse a través do sistema de inscrición en liña, enchendo o formulario habilitado.
Para facilitar o proceso de inscrición podes gardar o estado da inscrición en calquera momento e seguir noutro momento.
30 de abril de 2015 ás 12h do mediodía
30 de abril de 2015 ás 12h do mediodía
(Granada, 1961) é arquitecto pola Escola de Arquitectura de Sevilla (1986), profesor de proxectos arquitectónicos na Escola de Arquitectura de Granada desde 1994, visiting profesor na Technischen Univertät München (Alemania, 2010) e foi profesor convidado en diversas escolas de arquitectura nacionais e internacionais.
Co seu traballo, desenvolve unha liña de investigación centrada na intervención arquitectónica sobre o patrimonio e as paisaxes en transformación. Os seus proxectos e obras foron seleccionados en exposicións internacionais e nacionais como On-Site, New Architecture in Spain, organizada polo MoMA de Nova York; a 7ª Biennale di Architettura de Venecia; e na Bienal de Arquitectura Española (1993-1994 e 2010-2011), entre outras. Foi seleccionado nos Premios Mies van der Rohe, gañou o premio Enor e obtivo recoñecemento de Arquitectura na XI Bienal de Arquitectura y Urbanismo Española, e premio na VIII Bienal Iberoamericana de Arquitectura e Urbanismo.
Recentemente gañou con Álvaro Siza o concurso internacional Atrio de La Alhambra.
O seu libro “La tradición innovada. Escritos sobre regresión y modernidad” publicado pola Fundación Arquia na súa colección Arquia/Teses ha ganado el premio FAD de Pensamento d Crítica do ano 2014.
O seu estudio está na torre de destilación dunha antiga fábrica de azucre en Granada, que recupera a través dun proxecto de revitalización dun espazo industrial como lugar para vivir e traballar, un lugar que condicionou a súa maneira de entender a relación entre arquitectura e patrimonio, e unha actividade que ao tempo se descubriu como unha acción de rescate deste recinto industrial abandonado. Sobre este tema realizou unha curtametraxe, "Un encuentro", xunto ao director de cine Juan S. Bollaín que conta a súa ocupación da fábrica e as experiencias vividas desde a súa ocupación en 1986.
Soñei que San Giorgio Maggiore voaba cara as alturas...
Proponse proxectar un espazo entre o ceo e a terra, por riba ou por debaixo das nubes, onde vivir, observar o mundo e as estrelas. Como un cometa que se despraza no aire.
Un lugar para sempre, como o fareiro no seu faro ou o campaneiro na súa torre. Un espazo para facer acenos ao mundo, un símbolo efémero para que o habiten "individuos estraños".
Torres de aire, captadores de vento, luz e auga.
Pensar na sombra que proxecta sobre a terra, na maneira de subir e baixar, na luz e no aire, construír pendurado no aire pero tocando o chan, con vertixe.
A torre era o máis parecido a unha casa soñada...
Iniciouse a historia. Corresponde ao estudante acabala.
A Fundación Arquia, convoca, coa colaboración do Ministerio de Fomento, Dirección Xeral de Arquitectura, Vivenda e Solo, 3 bolsas para estudantes de Arquitectura e arquitectos de titulación recente destinadas á realización de prácticas profesionais na Administración pública, Ministerio de Fomento, Dirección Xeral de Arquitectura, Vivenda e Solo.
A Fundación Arquia acordou coa Fundación Metrópoli a admisión de 2 arquitectos de titulación recente que estean interesados en urbanismo, innovación e desenvolvemento da cidade para realizar prácticas profesionais nas súas instalacións de Madrid.
