arquia/teses

A Fundación Arquia ten por obxecto promover e fomentar as actividades culturais no campo da arquitectura. Entre estas actividades está a colección arquia / tese, dirixida á publicación de teses doutorais sobre arquitectura que son relevantes pola súa achega ao coñecemento arquitectónico, unha vez son revisadas e adaptadas polos seus respectivos autores. Deste xeito, a colección arquia/teses pretende poñer ao alcance do público interesado nos estudos sobre arquitectura un valioso material que, doutra forma, resultaría de difícil consulta.

Coa intención de incrementar o fondo editorial da colección, a Fundación Arquia convoca un concurso bienal orientado á selección de teses doutorais inéditas.

Poderán participar no concurso aqueles arquitectos españois que lesen a súa tese doutoral en calquera escola ou facultade de Arquitectura do mundo, así como aqueles arquitectos estranxeiros cuxa tese doutoral fose lida en calquera escola de Arquitectura española.

Na primeira fase do concurso, os concursantes deberán presentar o abstract da tese e un expediente dun máximo de vinte páxinas escrito en lingua castelá que conteña o índice da tese, o resumo do contido e unha breve explicación das operacións que o autor considera necesarias para converter a tese nun libro.

O xurado estará composto por: 
José Manuel López—Peláez (presidente): catedrático de Proxectos arquitectónicos da Escola Técnica Superior de Arquitectura de Madrid.
Elisa Valero Ramos: profesora titular de Proxectos arquitectónicos da Escola Técnica Superior de Arquitectura de Granada.
Cristina Gastón Guirao: profesora lectora de Proxectos arquitectónicos da Escola Técnica Superior de Arquitectura de Barcelona.
Emilio Tuñón Álvarez,  como patrón e en representación da Fundación Arquia.

Actuará de secretario, con voz mais sen voto, o director da colección arquia/teses, Carlos Martí Arís, profesor titular de Proxectos da Escola Técnica Superior de Arquitectos de Barcelona.

O prazo de admisión da documentación solicitada comezará o 11 de abril de 2011 e rematará o 8 de xuño de 2011.

Cada membro do xurado seleccionará un máximo de catro traballos entre os expedientes presentados para acceder á fase final do concurso.

A primeira semana de setembro de 2011, solicitarase un exemplar completo do traballo da tese aos concursantes que pasen a dita fase final.

Durante a primeira semana de decembro celebrarase a reunión do xurado para proceder ao veredicto do concurso. O veredicto publicarase a segunda quincena de decembro de 2011.

O xurado poderá conceder un máximo de dous premios e catro mencións. Os premios consisten no compromiso de edición das teses por parte da Fundación Arquia.

O compromiso de edición está condicionado polo necesario traballo de reelaboración que deberá efectuar o autor da tese de acordo cos criterios editoriais da Fundación Arquia.

As teses que obteñan unha mención terán unha consideración preferente nos plans editoriais da Fundación Arquia.

O concurso poderá declararse deserto. O veredicto do concurso comunicarase aos participantes por correo electrónico e será inapelable.

Para efectuar a inscrición, o participante ten que preinscribirse a través do formulario ao que poderá acceder dende a opción Rexistrarse situada na parte inferior no menú lateral esquerdo e premer na opción Alta do arquitecto.

O procedemento de alta é o seguinte:

• Solicitude de rexistro: para solicitar a alta no rexistro, é necesario completar o formulario habilitado para tal fin dende as opcións consecutivas  Rexistrarse y Alta do arquitecto e despois premer o botón Enviar.
• Confirmación do rexistro: despois de enviar a solicitude de alta, aparecerá na pantalla un resumo dos datos de rexistro facilitados polo arquitecto, quen deberá aceptalo premendo de novo o botón Enviar.
• Nun breve período de tempo, previa validación dos datos por parte da Fundación, o participante recibirá na dirección electrónica facilitada unha mensaxe de confirmación de que está inscrito no Concurso arquia/teses e que pode participar na nova convocatoria do Concurso bienal de teses de Arquitectura.
  A petición de alta implicará a aceptación sen reservas das condicións de uso.
• Envío dos arquivos requiridos a través da Área privada facilitada ao usuario.
  A participación na nova convocatoria farase oficial cando se manden ditos arquivos. Para realizar o envío, o participante ten que acceder á súa Área privada dende a páxina web www.arquia.es/concursotesis introducindo o seu nome de usuario (dirección electrónica) e o contrasinal que el mesmo facilitou no formulario na parte habilitada a tal efecto no menú lateral esquerdo.

A oitava convocatoria do Concurso bienal de teses doutorais de Arquitectura da Fundación foi posible grazas á financiación obtida do Fondo de Educación e Promoción de Arquia Caja de Arquitectos.

Fundación Arquia
abril 2011