21 e 22 de outubro de 2010 – ETSA MADRID
O II Foro arquia/próxima Madrid 2010: En cambio, contou cunha asistencia de 227 participantes. Mediante un formato aberto de debate, analizáronse e extraéronse conclusións da transformación que se está a producir no ámbito arquitectónico a partir das máis de1.218 novas realizacións rexistradas polos 500 autores e 177asociacións participantes na edición 2008-2009 da bienal arquia/próxima.
O tema En cambio provén dos momentos de crise económica nos que sucedeu esta convocatoria e como aquela desatou uns profundos procesos de cambio dentro das estruturas establecidas no noso ámbito profesional e das derivadas das estruturas máis xoves. Este título trata de reflectir aquilo que sofre unha metamorfose de cara a un futuro próximo, tanto no referente á forma de exercer a profesión coma na de establecer novas pautas de comportamento cara unha sociedade que amosa importantes procesos de cambio; cambios xerados por unha suma de factores xa coñecidos.
O xurado desta segunda edición, formado por Carlos Quintans como comisario xeral e polo comité científico composto por Fernando Diaz Pines, Felix Arranz, Francisco Cifuentes, Santiago Cirugeda, Javier Mozas e Ricardo Sanchez Lampreave, otorgou o premio arquia/próxima 2010 dotado con 15.000 euros á realización Comedor escolar tipo dos autores LA PANADERIA (Rubén Alonso, Eva Morales e David Canavate). O premio da opinión adxudicouse á realización Centro de Tecnificación de Actividades Físico-Deportivas e de Lecer no Medio Natural da Cunca do Teixo de José Maria Sánchez García e o premio de comunicación concedeuse ex aequo á realización Ximnasio 704 dos autores HARQUITECTES e á realización Frontón + Casa do Concello de Arribe & Atallu dos autores VAUMM.
O xurado elixiu as 120 realizacións que formaron parte do catálogo arquia/próxima 2010: En cambio e ás 24 seleccionadas, cuxos autores puideron presentar en directo no Foro.
