Coderch

Coderch

Fotógrafo

A fotografía significou para José Antonio Coderch o que a pintura para Aalto ou Le Corbusier. A pesar de non existir ningunha fotografía de edificios, como explica Carles Fochs, arquitecto e autor do catálogo, esta é en realidade unha mostra de arquitectura.

As imaxes reflicten o interese de Coderch polo tratamento de aspectos tales como a captación de movemento, a luz, o encadre ou os contrastes, elementos comparables á infinidade de solucións presentes na súa arquitectura. Descubrimos, detrás do obxectivo, a un home que aplica á fotografía os mesmos criterios, gustos e esixencias que á arquitectura.

A observación paciente da contorna e a transformación dalgunhas situacións en imaxes, intensamente elaboradas en todo o proceso até chegar ao encadre final das copias, permitiulle explorar no mundo das formas até conformar o que hoxe chamariamos unha mirada persoal.

Conforman a mostra unha serie de fotografías taurinas, onde domina a idea de captación do movemento; un conxunto de composicións sobre as texturas dos obxectos, os seus perfís, os seus contrastes, as sombras e penumbras; e o apartado de retratos de familiares e amigos, femininos e masculinos, onde atopamos fotografías desde Sert até Chillida, xunto con fotografías do ámbito máis íntimo e familiar.