II Seminario Internacional de Arquitectura Moderna e Fotografía 2016

II Seminario Internacional de Arquitectura Moderna e Fotografía 2016

Dende fai máis de cen anos, a fotografía consolidouse como o principal canle de comunicación da arquitectura entre os arquitectos e a sociedade, e entre os propios arquitectos, con innegable incidencia tanto nos aspectos de orde visual como de orde técnica e social do proxecto de arquitectura. Nos últimos tempos xurdiron publicacións relevantes sobre o tema e celebráronse numerosas exposicións e seminarios.

Neste II seminario, farase énfase na dimensión urbana do feito arquitectónico e no seu rexistro fotográfico. A capacidade da arquitectura para dar forma á cidade e darlle unha orde visual e espacial é un feito que se pode ver á luz de moitas das propostas da modernidade. Esta actividade impúlsase dende o Grupo de Investigación FORM+, no marco do proxecto de investigación titulado: Recuperación e difusión dos arquivos fotográficos da Arquitectura Moderna para o desenvolvemento dun patrimonio visual operativo(HAR2013-45096-R), financiado polo Programa Estatal de Investigación, Desenvolvemento e Innovación orientado aos retos da Sociedade do Ministerio de Economía e Competitividade.

A visualización de tódolos audiovisuais neste ciclo de arquia/filmoteca son posibles grazas á colaboración e autorización do Grupo de Investigación FORM+ da ETSA Barcelona - UPC