A Fundación Arquia celebrou o 22 de outubro de 2020, no marco do VII Festival Arquia/Próxima, a XXI edición da súa cerimonia anual de entrega de bolsas, esta vez, en formato virtual a través da plataforma inspirada en Barcelona deseñada por Space Popular. A cerimonia foi precedida pola mesa institucional con Iñaqui Carnicero, director xeral de Arquitectura e Axenda Urbana do Ministerio de Transportes, Mobilidade e Axenda Urbana. Na cerimonia recoñeceuse o traballo dos estudantes e arquitectos novos máis prometedores do país e entregáronse 35 bolsas para realizar prácticas profesionais en estudios europeos de arquitectura e outros destinos, ademais dunha bolsa de investigación en Nova York. A plataforma dixital, que se poderá seguir visitando nos próximos meses, contaba cunha sala dedicada ás participacións gañadoras do concurso de bolsas 2021.
O festival contemplou un amplo programa de debates, conversacións e presentacións cos estudios seleccionados do programa Arquia/Próxima, así como outros convidados como Peter Cook, Carme Pinós e Anupama Kundoo.
A arquitecta india con estudio en Berlín, Anupama Kundoo, xurado do concurso de bolsas da edición 2020, presentou na conferencia Taking Time o seu traballo máis recente e a exposición homónima recentemente inaugurada no Louisana Museum Modern Art de Copenhague. Por outra parte, Carme Pinós, a nova xurado do concurso de bolsas da próxima edición 2021, presentou o tema do concurso baio o lema Vivir y convivir. Pensar la ciudad. Alternativas a la manzana Cerdà, o no.
Anupama Kundoo (Pune, India 1967) é unha arquitecta recoñecida internacionalmente cuxo traballo experimental sobre os materiais e o impacto no medio natural é internacionalmente recoñecido. É unha das máis destacadas expoñentes dunha nova xeración de arquitectos de países periféricos preocupados por solucións que melloren o hábitat de maiorías e no de minorías.
Fundou o seu estudio en 1990 en Auroville, India. O seu traballo centrouse dende os seus inicios na investigación de materiais e na experimentación para producir unha arquitectura de baixo impacto ambiental e adecuada ao contexto socioeconómico. Un enfoque innovador para a arquitectura que se basea nunha intensa investigación e experimentación no desenvolvemento de tecnoloxías da construción e na integración de solucións de eficiencia enerxética e do uso da auga a prototipos de edificios que resulten amigables tanto medioambientais como socio-económicamente amigables.
Carme Pinós (Barcelona, 1954), licenciada en arquitectura y urbanismo na ETSA de Barcelona, fundou un estudio xunto con Enric Miralles co que acadou recoñecemento internacional, con proxectos como o cemiterio de Igualada, En 1991 estableceu o seu propio estudo de arquitectura co que aborda un vasto rango de proxectos que abarcan dende reformas urbanas e obra pública ata o deseño de mobiliario. A súa actitude arriscada e de investigación constante valeulle recoñecemento no mundo e levou a arquitectura catalá a Europa e ao continente americano.
Entre os seus proxectos recentes destacan o conxunto no centro histórico de Barcelona que comprende a Plaza de la Gardunya, a Escola de Arte Massana e a fachada posterior do Mercado da Boquería; o Edificio de Departamentos no Campus WU de Viena, a Delegación da Generalitat de Cataluña en Tortosa e as Torres de Oficinas Cube I e Cube II en Guadalajara.
Vivir y convivir. Pensar la ciudad. Alternativas a la manzana Cerdà, o no.
O coronavirus fíxonos descubrir cousas que, agardo, non esquezamos. Unha foi a posibilidade do teletraballo que, sospeito, no futuro combinarase co traballo presencial. Outra é o descubrimento para moitos dos significados de barrio: día tras día os veciños foron vistos e recoñecidos mentres daban palmas nos balcóns ou facían colas nas tendas de proximidade. Los barrios tiveron veciños e non simplemente ocupantes.
Propoño repensar a cidades, repensar as vivendas. Quero que os candidatos traballen libres de orde zas, só co sentido común e a responsabilidade que implica crear espazos de relación e convivencia, así como pensar o medio ambiente.
Escollín unha zona con influencia do rueiro Cerdà pero con posibilidades de dar alternativas.
O territorio é suficientemente extenso e ben comunicado como para poder repensar a cidade, tanto a nivel de programa como en volumetría e conexións.
Non é unicamente unha reflexión sobre o rueiro urbano senón tamén un traballo de arquitectura. O concursante deberá pensar o tipo de vivenda e de comercio, así como os espazos públicos, quer abertos, quer pechados.
Pídese un mínimo de 70.000 m2 construídos, e déixanselle ao concursante reflexións sobre o grao de densidade e a relación co programa.
Lembramos que se trata de reflexionar sobre a cidade e non tanto sobre o deseño duns edificios, aínda que deixamos o concursante libre de chegar á definición arquitectónica que considerar necesaria para explicar a súa proposta.
SOLAR:
4 quinteiros comprendidos entre C/ Pere IV e C/Fluvià no oeste e C/ Selva de Mar e C/ Venezuela no leste. É un proxecto teórico polo que consideramos que o terreo está libre de edificacións que se deban conservar.
MATERIAL REQUIRIDO:
-Documentación gráfica da proposta como anteproxecto en formato A3.
-Memoria explicativa con esquemas e reflexións en formato A4.
Non se valorará tanto a cantidade de información presentada, como a singularidade e o rigor do pensamento exposto dunha maneira clara.
Carme Pinós, 2020
