Filmografía

London

Patrick Keiller

Documental no que Patrick Keiller estuda a paisaxe e a xeografía económica británica.

Alberto Campo Baeza
Labor of Love

Nun lugar de intensa calma onde, tras un día de choiva e néboa, se reflicte unha intensa luz na quietude do espello das profundas augas do maxestoso río Hudson

KOCHUU
Arquitectura japonesa

KOCHUU é un concepto xaponés que significa «dentro do floreiro» ou «na gaiola», en referencia á tradición xaponesa de construcións pequenas e espazos físicos pechados que recrean a impresión dun universo á parte.

Álvaro Siza
Arquitectura, Siza

Jean Lefaux

Extracto de 12' do documental dirixido por Jean Lefaux e producido por Paco Poch {Mallerich Films}, que nos achega á figura de Álvaro Siza Vieira, un dos arquitectos portugueses máis importantes do século XX.

Hans Scharoun: Casa Schminke
Built with light

Na localidade saxoa de Löbau (Alemaña) está situada unha das casas máis fermosas do Movemento Moderno arquitectónico: a Casa Schminke, realizada en 1933 polo arquitecto Hans Scharoun (1893-1975).

Alquiler de azoteas

Santiago Cirugeda propón nunha das súas receitas urbanas a reutilización das azoteas de moitos edificios como soporte para vivendas de baixo custo. En contrapartida, propón que o usuario da azotea pague un alugueiro á comunidade de veciños. Para a colocación dunha vivenda deberase efectuar previamente un estudo de cargas.

Building is People

Benvidos á metrópole do mañá: Building is People é a celebración das persoas e os procesos que xeran a creación das comunidades. Para esta edición montáronse centos de gravacións procedentes de máis de 40 vídeos, entre os que se incluíron Form, Design, And The City (1962); Lost Landscapes Of Detroit (2010); Once And Forever (1956); Out Of This World (1954) e Dynamic American City (1956).

Julius Shulman
Acústica visual. La modernidad de Julius Shulman

O documental Acústica visual, narrado polo actor Dustin Hoffman, celebra a vida e a carreira do fotógrafo Julius Shulman, cuxo traballo tanto contribuíu á promoción da cidade dos Ánxeles e do «estilo de vida do sur de California» durante os anos 1950 e 1960.

Metrópole

Inclúe audio de comentarios en inglés. Futuro, ano 2000. Na megalópole de Metrópole, a sociedade divídese en dúas clases, os ricos que teñen o poder e os medios de produción, rodeados de luxos, espazos amplos e xardíns, e os obreiros, condenados a vivir en condicións dramáticas recluídos nun gueto subterráneo, onde se atopa o corazón industrial da cidade.